लातूर - ‘मराठा समाजाला आरक्षण मिळावे ही प्रमुख मागणी असून ती पूर्ण व्हावी यासाठी मुंबईत जाणार. केवळ जाणार नाही तर मुंबईत घुसणार. आता मागे हटणार नाही. जे व्हायचे ते होऊन जाऊ द्या’, असे आव्हान मराठा आरक्षण आंदोलनकर्ते मनोज जरांगे यांनी आज येथे दिले..‘सरकारने मागण्या मान्य केल्यास आम्ही पाच लाख ट्रक भरून गुलाल मुंबईत आणू. मंत्र्यांचे बंगले बुजतील इतका गुलाल उधळू. देशात अशा प्रकारचे कधी झाले नसेल असे कौतुक आम्ही या सरकारचे करू,’असेही ते म्हणाले.मराठा आरक्षणासाठी जरांगे यांनी मुंबईत २९ ऑगस्टला आंदोलनाची हाक दिली आहे. यानिमित्ताने सध्या ते ठिकाठिकाणी गाठीभेटी घेत आहेत. ते म्हणाले, ‘मुंबईत येऊ नका’, असे मुख्यमंत्री देवेंद्र फडणवीस म्हणत आहेत. त्यांचे हे वाक्य साफ चुकीचे आहे. मुंबईत येण्याचा आम्हाला पूर्ण अधिकार आहे.’.सरकारची भूमिकालातूर - ‘मराठा आरक्षणाबाबत मुख्यमंत्री देवेंद्र फडणवीस यांची भूमिका स्पष्ट आहे. न्यायालयात टिकावे, असेआरक्षण मराठ्यांना मिळाले पाहीजे, असे त्यांना वाटते. खरेतर मराठा समाजाला आरक्षण मिळावे, असेच शासनकर्ते म्हणून सरकारमधील सर्वांनाच वाटते. याला कोणाचाही विरोध नाही.आरक्षण दिल्यानंतर यापूर्वी ते दोनवेळा न्यायालयात रद्द झाले आहे. असे पुन्हा होऊ नये, अशी भूमिका आहे. कायद्यात टिकेल असे आरक्षण देण्यासाठी सरकार प्रयत्नशील आहे,’ असे लातूरचे पालकमंत्री शिवेंद्रसिंहराजे भोसले यांनी सांगितले..चर्चेतूनच तोडगे निघतात - सरनाईक‘मराठा समाजाच्या भावना आंदोलक मनोज जरांगे यांनी मांडल्या आहेत. त्या मुख्यमंत्री देवेंद्र फडणवीस, उपमुख्यमंत्री एकनाथ शिंदे, अजित पवार यांच्या कानावर घालणार आहे. चर्चेतूनच सगळे तोडगे निघतातात, यावर विश्वास आहे. याच पद्धतीने मराठा समाजाचाही प्रश्न चर्चेतून सुटेल, याची खात्री आहे,’ असे प्रतिपादन परिवहनमंत्री प्रताप सरनाईक यांनी केले. सरनाईक-जरांगे यांच्यात आज येथे सुमारे अर्धा तास चर्चा झाली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
