Latest Marathi News Live Update : सांगलीत वादळी वाऱ्यासह मान्सूनपूर्व पावसाची हजेरी

राजुर हत्याकड प्रकरणात मोठी अपडेटदोन पोलीस निरीक्षकांच निलंबनतत्कालीन एलसीबी पीआय सुनील अंबुलकर आणि जळगाव जामोद पोलीस निरीक्षक नितीन पाटलांचे निलंबन.सांगली शहरासह परिसरात मान्सूनपूर्व पावसाने दमदार हजेरी लावली आहे. सांगलीत गेल्या दोन दिवसांपासून सकाळी उकाडा आणि संध्याकाळी पाऊस असं चित्र पाहायला मिळत आहे. आजदेखील संध्याकाळी विजांच्या कडकडाट आणि वादळी वाऱ्यासह पावसाने हजेरी लावली..पुण्यात लोणी स्टेशन चौकात दुचाकी चालकाने दारू पिऊन राडा घातल्याचे समोर आले आहे. वाहनांची मोठी वर्दळ असलेल्या पुणे सोलापूर महामार्गावर हा चालक झोपला होता. यामुळे काही काळ वाहतुकीला अडचण निर्माण झाली होती. पोलीस आणि स्थानिकांनी समजावत त्याला रस्त्यावरून बाजूला केलं. .भारत आणि अफगाणिस्तान संघात शनिवारपासून (६ जून) मुल्लनपूरला कसोटी सामना सुरू आहे. या सामन्यात दुसऱ्या दिवस अखेर अफगाणिस्तानने पहिल्या डावात ३९.५ षटकात ५ बाद ११३ धावा केल्या आहेत. त्याआधी भारताने ८ बाद ५६४ धावांवर डाव घोषित केला होता. त्यामुळे दुसऱ्या दिवस अखेर भारताकडे ४५१ धावांची आघाडी आहे. .- AC स्लीपर बस मध्ये नागपुरात येणाऱ्या प्रवाशांचे जीव धोक्यात टाकल्याची घटना समोर- धावत्या बस मध्ये आग पेटवून अमली पदार्थांचे सेवन केल्याचा धक्कादायक व्हिडिओ समोर - कोटावरून नागपूरला येणाऱ्या MR ट्रॅवेल्स मधली धक्कादायक घटना - परिवहन विभागाचे नियम धाब्यावर ठेऊन अमली पदार्थचे सेवन...- आग पेटवली तेव्हा अनेक प्रवासी AC स्लीपर बस मध्ये झोपलेले होते, सुदैवाने कोणतिही अनुचित घटना नाही..- AC स्लीपर बस मध्ये आग पेटवली आणि अमली पदार्थांचे सेवन करून प्रवाशांचे जीव धोक्यात टाकले, ट्रॅव्हल्स एजन्सीकडे तक्रार करणाऱ्या प्रवाशाला उडवा उडवीची उत्तर मिळाल्याची माहिती...दिल्लीतील 'न्यू फ्रेंड्स कॉलनी' येथील एका घरात दुपारी ३:४० च्या सुमारास आग लागली. अग्निशमन दलाच्या गाड्या घटनास्थळी दाखल झाल्या आहेत. काही लोक आत अडकल्याची भीती व्यक्त केली जात आहे. दिल्ली पोलिसांच्या माहितीनुसार, या घटनेत एका मुलाचा मृत्यू झाला आहे, तर दोन जणांची सुटका करून त्यांना जवळच्या रुग्णालयात नेण्यात आले आहे..राज्यभर ड्रग्ज विरोधात कारवाया सुरुड्रग्जची पाळंमुळं खोदून काढणार देशासह राज्यात 'नो टॉलरन्स फॉर ड्रुग्ज' मोहीम सुरु - मुख्यमंत्री देवेंद्र फडणवीस .चासकमान धरणाच्या डाव्या कालव्याला अस्तर घातल्याने परिसरातील भूजल पातळी खाली जाण्याची शक्यता असल्याची भीती व्यक्त होत असून मुखई परिसरातील शेतकरी संतप्त झाले आहेत. आपल्या हक्काच्या पाण्यासाठी रस्त्यावर उतरलेल्या शेतकऱ्यांनी जेजुरी-बेल्हा महामार्गावर रास्ता रोको आंदोलन छेडत प्रशासनाला कठोर इशारा दिला आहे..२ एकरांवरील केळीची बाग पूर्णपणे उद्ध्वस्त होऊन शेतकऱ्यांचे सुमारे ८ लाख रुपयांचे नुकसान झाले. सुमारे २ लाख २५ हजार रुपये खर्च करून जोपासलेली ही बाग नष्ट झाल्याने शेतकरी हतबल झाला आहे. भुम तालुक्यातील वारे वडगाव येथील शेतकरी देवेंद्र डिसले यांना मोठा आर्थिक फटका बसला असून पंचनामा करून योग्य नुकसानभरपाई देण्याची मागणी त्यांनी केली आहे..भारताने पहिल्या डावात ८ बाद ५६४ धावांवर डाव घोषित करत अफगाणिस्तानसमोर मोठे आव्हान उभे केले आहे. प्रत्युत्तरात अफगाणिस्तानची सुरुवात निराशाजनक झाली असून संघाने १७.३ षटकांत २ गडी गमावत ५६ धावा केल्या आहेत.सध्या रहमानुल्लाह गुरबाज (११) आणि रहमत शाह (११) खेळपट्टीवर टिकून असून डाव सावरण्याचा प्रयत्न करत आहेत. मात्र, भारताच्या विशाल धावसंख्येमुळे अफगाणिस्तान अजूनही ५०८ धावांनी पिछाडीवर आहे. सामन्यावर भारताची मजबूत पकड कायम असून अफगाणिस्तानसमोर फॉलोऑन टाळण्याचे मोठे आव्हान आहे..मुख्यमंत्री देवेंद्र फडणवीस यांनी पत्रकार परिषदेत ड्रग्जविरोधातील कारवाईबाबत सविस्तर माहिती दिली. यावेळी त्यांनी इंधन दरवाढीच्या मुद्द्यावरही भाष्य केले. जागतिक स्तरावरील युद्धजन्य परिस्थिती आणि त्याचा पुरवठा साखळीवर झालेला परिणाम यामुळे देशात इंधनाच्या किमती वाढल्याचे त्यांनी सांगितले. तसेच राज्य सरकार विविध विषयांवर लक्ष ठेवून आवश्यक ती पावले उचलत असल्याचेही त्यांनी स्पष्ट केले..बुलढाणा शहरात सुरू असलेल्या तीव्र पाणीटंचाईच्या पार्श्वभूमीवर अखेर खडकपूर्णा प्रकल्पाचे पाणी शहरात दाखल झाले आहे. या पाण्यामुळे नागरिकांना मोठा दिलासा मिळाला असून परिस्थिती सुधारण्याची अपेक्षा व्यक्त केली जात आहे.आज सकाळी पाणी येळगाव जलाशयात पोहोचल्यानंतर आमदार संजय गायकवाड यांनी जलशुद्धीकरण केंद्राला भेट देऊन कामकाजाची पाहणी केली. पाणीपुरवठा सुरळीत आणि प्रभावीपणे नागरिकांपर्यंत पोहोचावा यासाठी प्रशासनाकडून उपाययोजना करण्यात येत आहेत.. तरुण पिढी नशेच्या आहारी जाऊ नये, यासाठी चिखली येथील 'नितीन एम्पोरियम'चे संचालक गोपाल लड्ढा व त्यांचे पुत्र नितीन लड्ढा यांनी आपल्या दुकानातून 'स्टिकफास्ट' ट्युबची विक्री कायमस्वरूपी बंद करण्याचा निर्णय घेतला आहे. काही तरुणांकडून या उत्पादनाचा नशेसाठी गैरवापर होत असल्याची माहिती मिळाल्यानंतर त्यांनी हा सामाजिक निर्णय घेतला..विद्युत पोलचा शॉक लागल्याने सात वर्षीय मुलाचा मृत्यू झालाय. नांदेड शहरातील हमेदिया कॉलनी मधील हे घटना घडली.आदिल पठाण असे या मृत्यू झालेल्या मुलाचे नाव आह. आदिला सायंकाळी खेळण्यासाठी घराबाहेर पडला होता..शरद पवार यांनी गॅस दरवाढीवर प्रतिक्रिया देताना म्हटलं की, देशात गॅसचे दर सातत्यानं वाढत आहेत. आजही घरगुती गॅस सिलिंडरचे दर वाढवण्यात आलेत. सरकारचे महागाई नियंत्रण म्हणजे जनतेला टप्प्या टप्प्याने झटके देणे असंच सूत्र आहे. .नवनीत राणा यांना राष्ट्रवादी काँग्रेस कडून उमेदवारी नाहीप्रदेशाध्यक्ष सुनील तटकरेंनी स्पष्ट करून सांगितलेसुनेत्रा पवार यांच्या नंतर रिक्त झालेल्या राज्यसभा जागेचा मुद्दानवनीत राणा राष्ट्रवादी काँग्रेस कडून राज्यसभेवरती जाणार अशी होती चर्चानवनीत राणा हा विषय राष्ट्रवादी कडून संपलेला आहे.'संडे ऑन सायकल' उपक्रमातून फिटनेसचा संदेश...बुलढाणा पोलिसांचा जागतिक सायकल दिनानिमित्त पुढाकार.राज्यभर अखिल भारतीय मराठी चित्रपट महामंडळासाठी आज मतदानतब्बल नऊ वर्षानंतर होत असलेल्या निवडणुकीकडे सर्वांचं लक्षराज्यभरातील 3 हजार 403 पात्र सभासद मतदानाचा हक्क बजावणार17 जागांपैकी तीन जागा बिनविरोध झालेले आहेतसमर्थ पॅनल विरुद्ध चित्रकार मी पॅनल अशी निवडणूक होते.शक्तीपीठ मार्गाला सोलापूर जिल्ह्यात मोठा विरोध वाढू लागला आहे. आज पंढरपूर तालुक्यातील करकंब येथे गाव बंद ठेवून विरोध केला. येथील शेतकऱ्यांनी सरकार विरोधात घोषणाबाजी करत रोष व्यक्त केला. येथील बाजारपेठ बंद ठेवल्याने गावातील व्यवहार ठप्प झाले..परवा सायंकाळी झालेल्या अवकाळी पावसाने सांगलीच्या वाळवा तालुक्यातील वारणा पट्ट्यातील ऊस व भाजीपाला शेतीचे अतोनात नुकसान झाले आहे. मुसळधार पाऊस, सुसाट्याचा वारा आणि विजांच्या गडगडाटासह आलेल्या पावसाने ऊस पिके अक्षरशः भुईसपाट झाली असून शेतकऱ्यांचे लाखो रुपयांचे नुकसान झाले आहे..कांद्याला अपेक्षित बाजारभाव मिळत नसल्याने शेतकरी मोठ्या आर्थिक संकटात सापडले आहेत. उत्पादन खर्चही वसूल होत नसल्याने आणि कांदा साठवण्याची सोय नसल्यामुळे अनेक शेतकरी पीक शेतातच टाकून देण्याचा पर्याय स्वीकारत आहेत. कष्टाने पिकवलेला कांदा मातीमोल ठरत असल्याने शेतकऱ्यांवर मोठे नुकसान सहन करण्याची वेळ आली आहे.दरम्यान, बारामती तालुक्यातील उंडवडी सुपे परिसरात कांद्याच्या दरघटीचे गंभीर चित्र समोर आले आहे. चाऱ्याच्या टंचाईमुळे एका मेंढपाळाने तब्बल ७०० मेंढ्यांसाठी ट्रकभर कांदा चारा म्हणून वापरल्याची धक्कादायक घटना घडली आहे. कांद्याचा प्रश्न आणि चाऱ्याची कमतरता या दुहेरी संकटांचा फटका सध्या शेतकऱ्यांना बसत आहे..मान्सूनमुळे निर्माण झालेल्या प्रतिकूल हवामानाचा फटका सोलापूर विमानसेवेला बसला आहे. फ्लाय 91 कंपनीने सोलापूर-गोवा आणि सोलापूर-हैदराबाद या विमानसेवा तात्पुरत्या बंद ठेवण्याचा निर्णय घेतला आहे. 19 जूनपासून या दोन्ही मार्गांवरील तिकीट विक्रीही थांबवण्यात आली आहे.पावसाळ्यात कमी दृश्यमानता तसेच सोलापूर विमानतळावर नाइट लँडिंगची सुविधा नसल्याने हा निर्णय घेण्यात आल्याचे सांगितले जात आहे. त्यामुळे सोलापूर-गोवा आणि सोलापूर-हैदराबाद या विमानसेवा किमान दोन ते तीन महिन्यांसाठी, म्हणजेच ऑगस्टपर्यंत स्थगित राहण्याची शक्यता आहे..इंदापूर तालुक्यातील म्हसोबाचीवाडी येथे मध्यरात्री अज्ञात चोरट्यांनी एका घरात घरफोडी करत सुमारे 44 लाख 90 हजार रुपयांचा ऐवज चोरून नेल्याची घटना उघडकीस आली आहे. याप्रकरणी भगवान नांदगुडे यांनी भिगवण पोलीस ठाण्यात तक्रार दाखल केली आहे.मिळालेल्या माहितीनुसार, चोरट्यांनी घराच्या बेडरूमची लोखंडी ग्रील तोडून घरात प्रवेश केला. त्यानंतर घरातील कपाटे, फ्रीज आणि सुटकेसची झडती घेत सोन्याचे दागिने, चांदीच्या वस्तू तसेच 1 लाख 90 हजार रुपयांची रोख रक्कम लंपास केली. चोरी झालेल्या ऐवजात सुमारे 27 तोळे सोन्याचे दागिने आणि 1 किलो चांदीच्या वस्तूंचा समावेश असल्याची माहिती समोर आली आहे..काँग्रेसचे ज्येष्ठ नेते दिग्विजय सिंह यांनी पंतप्रधान नरेंद्र मोदी यांना पत्र लिहून, चालू शैक्षणिक सत्राच्या मध्यातच सीबीएसई (CBSE) द्वारे नववीच्या विद्यार्थ्यांसाठी त्रि-भाषा धोरण अनिवार्यपणे लागू करण्याबाबत चिंता व्यक्त केली आहे आणि ही अंमलबजावणी स्थगित करण्याची विनंती केली आहे..कॉकरोच जनता पार्टीचे संस्थापक अभिजीत दिपके आज पहाटे छत्रपती संभाजीनगरात दाखल झाले. अमेरिकेतून भारतात परतल्यानंतर त्यांनी दिल्लीतील जंतरमंतर येथे केंद्रीय शिक्षणमंत्री धर्मेंद्र प्रधान यांच्या राजीनाम्याच्या मागणीसाठी आंदोलन केले होते. आंदोलन संपल्यानंतर ते थेट वाळूज महानगर येथील आपल्या निवासस्थानी पोहोचले..हरियाणा आणि चंदीगड सरकारच्या निधीचा गैरवापर केल्याप्रकरणी, ६६१ कोटी रुपयांच्या 'आयडीएफसी फर्स्ट बँक-एयू फायनान्स बँक' फसवणूक प्रकरणात सीबीआयने सहा ठिकाणी छापे टाकले आहेत..राष्ट्रीय पुरस्कार विजेते मल्याळम अभिनेते सलीम कुमार यांचे वयाच्या ५६ व्या वर्षी निधन झाले. केंद्रीय मंत्री सुरेश गोपी रुग्णालयात दाखल झाले आहेत. आरोग्याच्या समस्यांमुळे अभिनेते सलीम कुमार यांना शनिवारी कोचीमधील एका खाजगी रुग्णालयात दाखल करण्यात आले होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : सांगलीत वादळी वाऱ्यासह मान्सूनपूर्व पावसाची हजेरी

Related Stories

Latest Marathi News Update: आज राज्यासह देशात कुठे काय घडलं? जाणून घ्या...

Latest Marathi News Update : आज राज्यासह देशात कुठे काय घडलं? जाणून घ्या...

Latest Marathi News Update : राज्यासह देशभरात दिवसभरात काय काय घडलं? वाचा एका क्लिकवर...

Latest Marathi News Update : राज्यासह देशभरात दिवसभरात काय काय घडलं? वाचा एका क्लिकवर...

Latest Marathi News Live Update : सांगलीत वादळी वाऱ्यासह मान्सूनपूर्व पावसाची हजेरी

राजूर हत्याकांड प्रकरण; दोन पोलीस निरीक्षकांच निलंबन

Related Stories

Latest Marathi News Update: आज राज्यासह देशात कुठे काय घडलं? जाणून घ्या...

Latest Marathi News Update : आज राज्यासह देशात कुठे काय घडलं? जाणून घ्या...

Latest Marathi News Update : राज्यासह देशभरात दिवसभरात काय काय घडलं? वाचा एका क्लिकवर...

Latest Marathi News Update : राज्यासह देशभरात दिवसभरात काय काय घडलं? वाचा एका क्लिकवर...