Latest Marathi News Live Update : आमदार बच्चू कडू यांची शिवसेनेच्या विदर्भ विभागीय नेतेपदी नियुक्ती!

अंबड : जालना जिल्ह्यातील शारदानगर परिसरातील बजेट मॉलला विजेचे शॉर्ट सर्किटमुळे आग लागल्याने लाखो रुपयांचे नुकसान झाल्याची घटना सोमवारी (ता.18) सकाळी साडे आठ ते नऊ यावेळेत घडली आहे..पुणे : विधान परिषदेच्या स्थानिक स्वराज्य संस्था मतदारसंघाची निवडणूक जाहीर झाली असून, ही जागा आता राष्ट्रवादी काँग्रेसला मिळणार की भाजप खेचून आणणार याकडे लक्ष लागले आहे. जिल्ह्यात राष्ट्रवादी काँग्रेसचे संख्याबळ जास्त असून, दुसऱ्या क्रमांकावर भाजप आहे. या दोन्ही पक्षांमधील अंतरही खूप कमी आहे. त्यामुळे मुख्यमंत्री देवेंद्र फडणवीस आणि उपमुख्यमंत्री सुनेत्रा पवार यांची जागा वाटपावर भूमिका महत्वाची ठरणार आहे. .शिंदेंच्या शिवसेनेमध्ये विधानपरिषदेचे आमदार बच्चू कडू यांना विदर्भात पक्ष वाढीसाठी मोठी जबाबदारीआमदार बच्चू कडू यांची शिवसेना पक्षाच्या विदर्भ विभागीय नेते पदी केली नियुक्तीबच्चू कडूंना विदर्भात शिवसेना पक्षाच संघटन, शाखा बांधणी व पक्ष वाढीसाठी ही जबाबदारी दिल्याचे बोलल्या जात आहे..मनिषा मांढरेंचे मॉडर्न महाविद्यालयातून निलंबननीट पेपरफुटी प्रकरणी पुण्यातील मॉडर्न महाविद्यालयाचा मोठा निर्णयसीबीआयच्या अटकेत असणाऱ्या प्राध्यापक मनीषा मांढरे यांच्यावर संस्थेकडून निलंबनाची कारवाईनीट पेपर फुटी प्रकरणात सीबीआयने मनीषा मांढरे यांना सीबीआयकडून अटकमनीषा मांढरे या मॉडर्न महाविद्यालयात गेल्या 24 वर्षांपासून प्राध्यापक.पाली : पावसाळी हंगामात समुद्रातील संभाव्य धोके आणि प्रवाशांची सुरक्षा लक्षात घेऊन, मांडवा ते गेटवे ऑफ इंडिया या जलमार्गावरील सर्व प्रकारची प्रवासी जलवाहतूक सेवा २६ मे २०२६ ते ३१ ऑगस्ट २०२६ या कालावधीत पूर्णपणे बंद ठेवण्यात येणार आहे. संबंधित प्रशासनाकडून अधिकृतपणे ही माहिती देण्यात आली आहे..मुरूड : मुरूड नगर परिषदेतर्फे मुरूड शहरासह परिसरातील नागरिकांना आंबोली धरणातून पाणीपुरवठा केला जातो. या धरणात मुबलक पाणीपुरवठा उपलब्ध असला तरी वीजपुरवठा वारंवार खंडित होत असल्याने जनरेटरच्या साह्याने पाणीपुरवठा होतो. मुरूड शहराला गारंबी व सवतकडा धरणातील पाणीसुद्धा गुरुत्व पद्धतीने होत असतो, परंतु त्याचा वापर फार कमी केला जातो. मुरूड नगर परिषदेतर्फे सध्या संपूर्ण शहरात एक तास पाणीपुरवठा उपलब्ध करून दिला जात असून, मंगळवारी (ता. १९) जल शुद्धीकरण केंद्र येथील तसेच गारंबी व सवतकडा धरण येथील देखभाल दुरुस्तीच्या कामाकरिता संपूर्ण शहरातील पाणीपुरवठा बंद ठेवणार असल्याचे सांगण्यात आले..लोहा शहर हे राष्ट्रीय महामार्गावर असल्याने शहरात सातत्याने मोठ्या प्रमाणात वर्दळ असते. व्यापारी, ग्राहकांसह असंख्य नागरिक शहरात येत असल्याने त्यांना मुक्कामासाठी परमिट (लॉज) रुमची व्यवस्था आहे. मात्र, सदरील लॉजवरती भलताच प्रकार सुरू असल्याची चर्चा होती. (ता . १६ ) पोलिसांनी लॉज वरती टाकलेल्या धाडीत जवळपास आठ जणांना ताब्यात घेऊन पोलिस डायरीत नोंद करण्यात आली..लासलगाव : कांद्याला उत्पादन खर्चापेक्षाही कमी दर मिळत असल्याने कांदा उत्पादक शेतकरी कमालीचे संतप्त झाले आहेत. सरकारने याप्रश्नी तातडीने हस्तक्षेप करून शेतकऱ्यांना न्याय द्यावा, अन्यथा येत्या २६ मे रोजी सकाळी नऊ वाजता चांदवड येथे मुंबई-दिल्ली महामार्गावर भव्य ‘रस्ता रोको’ आंदोलन करण्यात येईल, असा इशारा शेतकरी प्रतिनिधी आणि लोकप्रतिनिधींनी दिला आहे. लासलगाव बाजार समितीत सोमवारी शेतकरी आणि लोकप्रतिनिधींच्या उपस्थितीत सरकारविरोधात जोरदार एल्गार पुकारण्यात आला. .बारामती : येथील नगरपरिषदेच्या सर्वसाधारण सभेला मुहूर्त लागत नसल्याचे आज पुन्हा एकदा स्पष्ट झाले. मागील सभा विधानसभेच्या आचारसंहितेमुळे तहकूब करावी लागली होती तर येत्या 20 मे रोजी होणारी सभा देखील विधानपरिषदेच्या निवडणूकीमुळे आता पुन्हा पुढे ढकलावी लागणार आहे. .नीट पेपर फुटी प्रकरणी शिवराज मोटेगावकरला ९ दिवसांची CBI कोठडी सुनावण्यात आली आहे..लोणी काळभोर : जेवण करत असलेल्या तरुणास जिवे ठार मारण्याची धमकी देऊन त्याला लाथाबुक्क्यांनी बेदम मारहाण करून डोक्यात बिअरच्या बाटल्या फोडल्याची घटना कदमवाकवस्ती (ता. हवेली) येथील सागर रेस्टॉरंट अँड बारमध्ये शनिवारी (ता.१६) रोजी रात्री साडेदहाच्या सुमारास घडली आहे. या घटनेत प्रसाद दिलीप शेंडगे (वय ३०, रा. कवडीपाट टोलनाका, कदमवाकवस्ती, ता. हवेली, जि. पुणे) हा जखमी झाला असून याप्रकरणी राज राजेंद्र पवार, सौरभ सुनील गायकवाड, राहुल संतोष गाडगे आणि १७ वर्षीय विधीसंघर्ष बालक (सर्व रा. कवडीपाट टोलनाका, कदमवाकवस्ती, ता. हवेली, जि. पुणे) यांचेवर गुन्हा दाखल करण्यात आला आहे. .पुणे : देवी शक्तीचा संचार असल्याची बतावणी करत लैंगिक अत्याचार प्रकरणातील भोंदूबाबाचा जामीन अर्ज अतिरिक्त सत्र न्यायाधीश डी. पी. रागीट यांनी फेटाळला. या प्रकरणातील गांभीर्य, तथ्य व परिस्थिती लक्षात घेता जामीन फेटाळण्यात आल्याचे आदेशात नमूद आहे. ऋषिकेश श्रीकांत वैद्य (वय ३९, रा. वसर्ई) असे जामीन फेटाळण्यात आलेल्याचे नाव आहे. .दोन प्रशिक्षित हत्तीच्या झालेल्या झुंजीत एका प्राण्याचा तोल गेल्याने त्याच्या खाली चिरडून एका महिलेचा मृत्यू झाला. कर्नाटकमधील कोडगू जिल्ह्यातील दुबार कॅम्पमध्ये ही घटना घडली..NEET पेपरफुटी प्रकरणी आर्थिक गैरव्यवहारांची चौकशी सीबीआय करणार असून शिवाजी मोटेगावकर यांची मालमत्ता, आर्थिक व्यवहार आणि कागदपत्रांची पडताळणी सुरु होणार आहे..मुंबई-अहमदाबाद राष्ट्रीय महामार्ग पुन्हा एकदा भीषण अपघाताने हादरला असून धानीवरी परिसरात वऱ्हाड घेऊन जाणाऱ्या ट्रकला कंटेनरने जोरदार धडक दिल्याने भीषण दुर्घटना घडली. या अपघातात आतापर्यंत तीन ते चार जणांचा मृत्यू झाल्याची प्राथमिक माहिती समोर आली असून मृतांचा आकडा वाढण्याची भीती व्यक्त केली जात आहे..साताऱ्यात पार पडलेल्या हिंद केसरी स्पर्धेच्या अंतिम लढतीत पृथ्वीराज मोहोळ जखमी झाल्याने त्याने माघार घेतली. त्यानंतर सोलापूरचा बाहुबली महेंद्र गायकवाडला हिंद केसरी जाहीर करण्यात आलं..जालना शहरासह संपूर्ण जिल्ह्यात अनेक पेट्रोल पंपांवर इंधन टंचाईमुळे ओसाड वातावरण निर्माण झाले आहे. इंधन उपलब्ध नसल्याने शेतीची कामे ठप्प झाली असून शेतकरी तसेच सर्वसामान्य नागरिकांना मोठा फटका बसत आहे. खरीप हंगाम अगदी दारात असताना इंधन संकट उभे राहिल्याने मशागतीची कामे थांबण्याची शक्यता निर्माण झाली आहे..नीट प्रश्नपत्रिका फुटी प्रकरणानंतर पुण्यातील मॉडर्न महाविद्यालयाने मोठा निर्णय घेत प्राध्यापक मनीषा मांढरे यांना निलंबित केले आहे. सीबीआयने या प्रकरणात मनीषा मांढरे यांना अटक केली असून, त्यानंतर संस्थेने त्यांच्यावर निलंबनाची कारवाई केली. मनीषा मांढरे या गेल्या २४ वर्षांपासून मॉडर्न महाविद्यालयात प्राध्यापक म्हणून कार्यरत होत्या..चालत्या कारमध्ये महिलेवर झालेल्या अत्याचाराच्या प्रकरणात पोलिसांनी दोन्ही आरोपींना अटक केली आहे. प्रसिद्ध पबमध्ये पार्टी करून परत येत असताना, गाडीतच महिलेवर अश्लील वर्तन करत अत्याचार केल्याच्या घटनेप्रकरणी आरोपींना ताब्यात घेण्यात आले आहे. पीडित महिलेच्या तक्रारी आणि दिलेल्या माहितीनुसार पुणे पोलिसांनी ही कारवाई केली आहे..NEET UG 2026 पेपरफुटी प्रकरण | चौकशी करण्यासाठी CBI ने शिवराज रघुनाथ मोटेगावकर यांच्या १० दिवसांच्या कोठडीची मागणी केली..नांदेडच्या नायगाव शहरातील घरगुती गॅस वितरण व्यवस्थेच्या गलथान कारभाराविरोधात आज नागरिकांचा संताप पाहायला मिळाला आहे.नायगाव शहरातील डॉ. हेडगेवार चौकात शेकडो नागरिकांनी रिकाम्या गॅस टाक्या थेट रस्त्यावर फेकून चक्काजाम आंदोलन छेडले. या अचानक केलेल्या आंदोलनामुळे नांदेड–हैदराबाद राष्ट्रीय महामार्गावरील वाहतूक जवळपास तासभर ठप्प झाली होती. रस्त्याच्या दोन्ही बाजूंना वाहनांच्या लांबच लांब रांगा लागल्या होत्या.शहरात गेल्या अनेक दिवसांपासून घरगुती गॅस सिलेंडर वितरणात मोठा विलंब होत असल्याने नागरिक प्रचंड त्रस्त झाले आहेत. ऑनलाईन बुकिंग करून ओटीपी प्राप्त झाल्यानंतरही तब्बल दहा ते पंधरा दिवस गॅस सिलेंडर घरपोच मिळत नसल्याची गंभीर तक्रार नागरिकांनी केली.ज्येष्ठ नागरिक आणि लहान मुलांना मोठा त्रास सहन करावा लागत असल्याच्या प्रतिक्रिया नागरिकांनी दिल्या..नीट प्रकरण पडसाद पुणे महापालिका सर्वसाधारण सभेतकाँग्रेसने केले आंदोलननगरसेविका निवेदिता एकबोटे आणि मॉडर्न कॉलेजवर कारवाई करावीपुणे महानगरपालिकेच्या सर्वसाधारण सभेत गोंधळसत्ताधारी आणि विरोधकांमध्ये महापालिकेच्या सर्वसाधारण सभेत गोंधळनीट पेपर फुटी प्रकरणावरून गोंधळ मनीषा मांढरे शिकवत असलेल्या मॉडेल कॉलेजचा परवाना रद्द कराविरोधकांची मागणी.लखीमपूर खेरीचे जिल्हाधिकारी अंजनी कुमार सिंह आणि वरिष्ठ पोलीस अधीक्षक ख्याती गर्ग यांनी, ट्रक आणि व्हॅन यांच्यातील धडकेत १० जणांचा मृत्यू झालेल्या अपघातस्थळी भेट दिली..आखाती देशांमध्ये निर्माण झालेल्या युद्धजन्य परिस्थितीचा परिणाम आता पिंपरी-चिंचवड शहरातही दिसू लागला आहे. शहरातील जवळपास 80 टक्के पेट्रोल पंप आज बंद ठेवण्यात आले. हिंदुस्तान पेट्रोलियम, इंडियन ऑइल आणि भारत पेट्रोलियमसारख्या सरकारी कंपन्यांकडून पुरेशा प्रमाणात इंधन पुरवठा होत नसल्याने पेट्रोल पंप चालकांवर पंप बंद ठेवण्याची वेळ आली आहे..पश्चिम आशियातील संकटाचे परिणाम राज्यातील रत्नागिरी जिल्ह्यात दिसून येत आहे आज रत्नागिरी पेट्रोल-डिझेल सोबत आता CNG चा तुटवडा झाला आहे.३ मे रोजी परीक्षा झाल्यानंतर मोटेगावकर ने नीट पेपर प्रश्न केले नष्टशिवराज मोटेगावकर बाबत सी बी आय तपासात आणखी एक धक्कादाक माहितीतपासात नाव येऊ नये म्हणून मोटेगावकर ने नष्ट केले पुरावे२३ एप्रिल रोजी मोटेगावकर च्या मोबाईल मध्ये होते पेपरविद्यार्थ्यांना पेपर वाटल्यानंतर मोटेगावकर ने पेपर केले "गायब"नीट चे पेपर कोणाला दिले याबाबत मोटेगावकर ने अद्याप सी बी आय ला माहिती दिलेली नाही.पिंपरी चिंचवड शहरातील आज जवळपास 80 टक्के पेट्रोल पंप पेट्रोल पंप चालकांनी बंद आहेत. पेट्रोल पुरवठा करणाऱ्या हिंदुस्तान पेट्रोलियम इंडियन ऑइल आणि भारत पेट्रोलियम सारख्या सरकारी कंपन्यांकडून पुरेशा प्रमाणात इंधन पुरवठा न झाल्याने, पेट्रोल पंप बंद ठेवण्याची वेळ पेट्रोल पंप मालकांवर ओढवली आहे..इंधन दरवाढी विरोधात सांगलीमध्ये काँग्रेसच्यावतीने आंदोलन करण्यात आले आहे.भाजप सरकारच्या विरोधात पेट्रोल पंपा समोर काँग्रेस कार्यकर्त्यांच्या वतीने निदर्शने करत भाजपा सरकारच्या इंधन दरवाढीचा निषेध नोंदवण्यात आला आहे..NEET पेपरफुटीचं प्रकरण तापलं असून पुण्यात NSUI कडून आंदोलन करण्यात येत आहे. यावेळी काही कार्यकर्त्यांना पोलिसांनी घेतलं ताब्यात घेतलं आहे..अधिकमासाच्या पहिल्याच दिवशी बीड जिल्ह्यातील श्रीक्षेत्र पुरुषोत्तमपुरी येथील विविध भाविकांच्या ५० तोळे सोन्यावर चोरट्यांनी डल्ला मारल्याची घटना घडली आहे. जिल्हाधिकारीच्या बैठकीत ठरलेल्या कोणत्याच बाबींची ट्रस्टीने व्यवस्था केली नसल्याचे समोर आले आहे. .नीट पेपरफुटी प्रकरणात सीबीआय कार्यालयात तीन जण तोंडाला मास्क लावून दाखल झाले आहेत. यामध्ये विद्यार्थी असण्याची शक्यता. अजून तीन जण चौकशीसाठी बोलावले आहेत. .इंधन टंचाईच्या भीतीमुळे पुण्यातील अनेक पेट्रोल पंपावर वाहनांच्या रांगा लागल्या आहेत.. लातूरच्या आरसीसी क्लासमध्ये गेल्या काही तासांपासून चौकशी सुरू. सीबीआयच्या पुण्यातील कार्यालयात मोटेगावकर चौकशीसाठी हजर. मोटेगावकर सीबीआयच्या ताब्यात.नाशिक शहरातील एका महिला लोकप्रतिनिधीने डॉक्टर पतीविरोधात घरगुती हिंसाचाराची गंभीर तक्रार दाखल केली आहे. नाशिक रोड पोलिस ठाण्यात विविध गंभीर कलमांन्वये गुन्हा नोंद करण्यात आला आहे. संशयित आरोपी पतीला पोलिसांनी अटक केली असून, एक दिवसाच्या पोलिस कोठडीनंतर त्याची रवानगी न्यायालयीन कोठडीत केली..चारित्र्यावर संशय घेत 'फक्त मुलीच होतात, मुलगा होत नाही' या विकृत मानसिकतेतून एका पतीने २४ वर्षीय पत्नीला अमानुष मारहाण करून तिच्या गुप्तांगावर अॅसिड ओतल्याची धक्कादायक घटना उरुळी कांचन (ता. हवेली) येथे उघडकीस आली..पोलिस सुरक्षेत पेट्रोल डिझेल वाटप बुलढाणा जिल्ह्यातील निम्म्याहून अधिक पेट्रोल पंप बंद असून त्यांच्याकडे स्टॉक नसल्याचे फलक लावले आहे. . तर ज्या पंपावर पेट्रोल डिझेल उपलब्ध आहे, त्याठिकाणी मात्र वाहन चालकांची तोबा गर्दी झाल्याचे चित्र आहे .. शिवाय पंपावर वाढणाऱ्या गर्दीमुळे वाहन चालकांत नंबर लावणावरून वाद होत असल्यानं अनेक पंपावर पोलिस सुरक्षेत पेट्रोल डिझेल वाटप सुरू आहे . तर वाहनाच्या एक ते दीड किलोमीटर रांगा लागल्या आहेत .. ट्रॅक्टर ला सुद्धा डिझेल मिळत नसल्याने शेती कामे खोळंबली आहेत .....कोकणवासीयांसाठी जीवनरेखा मानला जाणारा मुंबई-गोवा राष्ट्रीय महामार्ग अजूनही पूर्णपणे तयार झालेला नसताना आता या मार्गावर टोलनाके सुरू करण्याची तयारी सुरू झाल्याने प्रवासी आणि स्थानिक नागरिकांमध्ये तीव्र नाराजी व्यक्त होत आहे..पावसाळ्याच्या पार्श्वभूमीवर कोकण रेल्वेनं रेल्वे मार्गाच्या देखभालीची कामे सुरू केली आहेत. मे अखेरपर्यंत ही कामे पूर्ण करण्याचं नियोजन आहे. रेल्वे मार्गावर क्रेनद्वारे डोंगराला जाळी मारली जात आहे. तसंच सखोल तपासणी आणि प्रतिबंधात्मक उपाय करण्यात येतायत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : आमदार बच्चू कडू यांची शिवसेनेच्या विदर्भ विभागीय नेतेपदी नियुक्ती!

Related Stories

Who is Nandan Nilekani: पेपरफुटीला लगाम बसणार, टास्क फोर्समध्ये कोण-कोण? |Paper Leak, Task Force

NEET Student Death: नीट फेरपरीक्षेत कमी गुण मिळाले, विद्यार्थीनीनं उचललं टोकाचं पाऊल; अहिल्यानगरमध्ये खळबळ

PM Narendra Modi On Paper Leak: पेपरफुटीच्या प्रकरणी पंतप्रधान नरेंद्र मोदींची मोठी घोषणा | CJP Andolan

Latest Marathi News Live Update : आमदार बच्चू कडू यांची शिवसेनेच्या विदर्भ विभागीय नेतेपदी नियुक्ती!

Jalna News : अंबड शहरातील बजेट मॉलला विजेचे शॉर्ट सर्किटमुळे लागली आग; आगीत लाखो रुपयांचे नुकसान

Related Stories

Who is Nandan Nilekani: पेपरफुटीला लगाम बसणार, टास्क फोर्समध्ये कोण-कोण? |Paper Leak, Task Force

NEET Student Death: नीट फेरपरीक्षेत कमी गुण मिळाले, विद्यार्थीनीनं उचललं टोकाचं पाऊल; अहिल्यानगरमध्ये खळबळ

PM Narendra Modi On Paper Leak: पेपरफुटीच्या प्रकरणी पंतप्रधान नरेंद्र मोदींची मोठी घोषणा | CJP Andolan