Latest Marathi Live Update News
esakal
बेळगाव : कर्नाटक सरकारने कंत्राटी तत्त्वावर काम करणाऱ्या महिला कर्मचाऱ्यांसाठी मोठा दिलासा देणारा निर्णय घेतला आहे. सरकारच्या विविध विभागांमध्ये तसेच महामंडळ, निगम आणि स्वायत्त संस्थांमध्ये कार्यरत असलेल्या कंत्राटी महिला कर्मचाऱ्यांना आता दर महिन्याला एक दिवस ‘ऋतुचक्र रजा’ (मासिक पाळी) देण्याचा निर्णय जाहीर करण्यात आला आहे. या आदेशाची अंमलबजावणी तत्काळ केली आहे. या निर्णयानुसार संबंधित महिला कर्मचाऱ्यांना वर्षभरात जास्तीत जास्त १२ दिवसांची पगारी रजा मिळणार आहे.
