esakal | मोठी घोषणा! तळीये गाव म्हाडा वसवणार - गृहनिर्माण मंत्री आव्हाड
sakal

बोलून बातमी शोधा

मोठी घोषणा! तळीये गाव म्हाडा वसवणार - गृहनिर्माण मंत्री आव्हाड

मोठी घोषणा! तळीये गाव म्हाडा वसवणार - गृहनिर्माण मंत्री आव्हाड

sakal_logo
By
विनायक होगाडे

मुंबई : मागील चार-पाच दिवसांपासून राज्यात पावासाने हाहा:कार माजवला आहे. रायगड, रत्नागिरी, कोल्हापूर, सातारासह राज्यात पावसामुळे जनजीवन पूर्णत: विस्कळीत झालं आहे. चिपळूण, सांगली आणि कोल्हापूरसारख्या अनेक भागात सध्या पूरग्रस्त स्थिती आहे. रायगड जिल्ह्यातील तळीयेसारख्या ठिकाणी दरड कोसळल्यामुळे आणि इतर दुर्घटनामुळे राज्यात 80 पेक्षा जास्त जणांना जीव गमावाला लागला आहे. अनेक जण मलब्याखाली गाढले गेलेत तर शेकडो जण बेपत्ता आहेत. गाई-जनावारांसह पिकांचंही नुकसान झालेय. मुख्यमंत्री उद्धव ठाकरे यांनी शनिवारी दुपारी महाड येथे भेट दिली. यावेळी त्यांनी रायगड, रत्नागिरीसह राज्यातील इतर पुरग्रस्त आणि दुर्घटानग्रस्त जिल्ह्यांना मदतीची घोषणा केली आहे.

त्या पार्श्वभूमीवरच आता एक मोठी घोषणा समोर आली आहे. तळीये गाव वसवण्याची जबाबदारी म्हाडाने उचलली आहे. राज्याचे गृहनिर्माण मंत्री जितेंद्र आव्हाड यांची घोषणा केली आहे. याबाबतचं ट्विट जितेंद्र आव्हाड यांनी केलं आहे. त्यांनी म्हटलंय की, कोकणामध्ये दरड कोसळून झालेल्या दुर्घटनेमुळे बाधित झाले तळीये ता. महाड हे पूर्ण गाव वसविण्याची जबाबदारी म्हाडाने स्विकारली आहे. मा. मुख्यमंत्री महोदयांनी जो शब्द दिला कि कोणालाही अडचण भासू देणार नाही. ती पूर्ण करायला ही सुरुवात आहे. ही सूचना मला पवार साहेबांनी केली होती.

हेही वाचा: 'नागरिकांनी काळजी करु नये, सरकार सर्वोतोपरी मदत करणार'

हेही वाचा: मुख्यमंत्र्यांची दुर्घटनाग्रस्त तळीये गावाला भेट

मुख्यमंत्र्यांनी घोषित केलेली मदत

मुख्यमंत्री उद्धव ठाकरे यांनी महाड तालुक्यातील तळोई येथील दुर्घटनाभागाची पाहणी केली. त्यानंतर गंभीर पूरस्थितीचा सामना करण्यासाठी रायगड व रत्नागिरीसाठी प्रत्येकी दोन कोटी रुपयांची तर अन्य जिल्ह्यांसाठी प्रत्येकी 50 लाख रुपयांच्या आर्थिक मदतीची घोषणा केली आहे. मुख्यमंत्री उद्धव ठाकरे यांनी या दर्घटनेतील मृत्यूमुखी पडलेल्यांच्या वारसांना प्रत्येकी पाच लाख रुपयांची मदत व जखमींच्या उपचाराचा खर्च शासनातर्फे करण्यात येईल, असं सांगिलं आहे. ही आपत्ती कोसळलेल्या कुटुंबीयांच्या दुःखात आपण सहभागी आहोत, असेही ते म्हणाले.

loading image
go to top