आमदार मंदा म्हात्रे यांनी घेतली जयंत पाटील यांची भेट

Manda Mhatre
Manda Mhatre Manda Mhatre

नवी मुंबई : भाजपच्या नवी मुंबईतील आमदार मंदा म्हात्रे (MLA Manda Mhatre) यांनी राष्ट्रवादीचे आमदार जयंत पाटील (Jayant Patil) यांची भेट घेतली. यामुळे भाजपचा आमदार राष्ट्रवादीच्या गटात जाणार अशी चर्चा सुरू झाली आहे. तसेच त्यांनी जयंत पाटील यांच्यासोबत केलेल्या चर्चेत नेमक काय झाले, यावरून तर्क वितर्कांना उधाण आले आहे.

भाजपच्या आमदार मंदा म्हात्रे या बेलापूर विधानसभा क्षेत्राचे प्रतिनिधीत्व करतात. त्यांनी राष्ट्रवादीचे आमदार जयंत पाटील (Jayant Patil) यांची कार्यालयात भेट घेतली. यामुळे विविध चर्चांना उधाण आले आहे. मात्र, मंदा म्हात्रे (MLA Manda Mhatre) यांनी विकासकामांच्या चर्चेबाबत भेट घेतल्याचे सांगितले. त्यांनी जयंत पाटील यांच्यासोबत बातचीत केली. या वेळी झालेल्या चर्चेत नेमकं काय झालं, यावरुन तर्क वितर्कांना उधाण आलंय. दरम्यान, मंदा म्हात्रे यांनी विकासकामांसाठी भेट घेतली असल्याचं सांगितलं जातंय. मात्र या भेटीनं अनेकांच्या भुवया उंचावल्यात.

Manda Mhatre
हरियाणा : सिनेमा हॉल १२ जानेवारीपर्यंत बंद; मल्टिप्लेक्स बंद ठेवण्याचे आदेश

भेटीची जोरदार चर्चा

भाजप आमदार मंदा म्हात्रे या आधी राष्ट्रवादी काँग्रेसमध्ये होत्या. मधल्या काळात त्यांना राष्ट्रवादी काँग्रेस सोडून भाजपात प्रवेश केला. त्याच्या भाजप प्रवेशाची चर्चाही जोरात रंगली होती. आता पुन्हा एकदा मंदा म्हात्रे या बऱ्याच काळानंतर पुन्हा राष्ट्रवादी कार्यालयात गेल्यामुळे त्यांच्या या भेटीची चर्चा जोरात रंगली आहे.

भेट घेतल्याने तर्कवितर्क

चार दिवसांपूर्वीच भाजप आमदार जयकुमार गोरे यांनी उपमुख्यमंत्री अजित पवार यांचे जाहीर कौतुक केले होते. त्यातच आमदार मंदा म्हात्रे यांनी राष्ट्रवादीचे प्रदेशाध्यक्ष जयंत पाटील यांची भेट घेतल्याने तर्कवितर्क लढविण्यात येत आहे. आमदार मंदा म्हात्रे यांनी राष्ट्रवादीतून भाजपात प्रवेश केला होता. मात्र, त्यांचे आणि नवी मुंबईतील नेते गणेश नाईक यांच्या वितुष्ट अधिकच वाढले. दोन दिवसांपूर्वीच म्हात्रे यांनी नाईकांवर रुग्णालय उभारणीच्या कामावरून आरोप केला होता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com