Loksabha 2019 : नितेश राणे म्हणतात, पार्थ लंबी रेस का घोडा

मुंबई : मावळ लोकसभा मतदारसंघातील राष्ट्रवादी काँग्रेसचे उमेदवार पार्थ पवार यांच्या भाषणावरून त्यांची खिल्ली उडविण्यात येत असताना, स्वाभिमानी पक्षाचे नेते नितेश राणे त्यांच्या समर्थनार्थ उतरले आहेत.

पिंपरी-चिंचवडमधील वाल्हेकरवाडी येथे रविवारी झालेल्या आघाडीच्या प्रचारसभेत पार्थ पवार यांनी भाषण केले होते. त्यांच्या भाषणावरून आणि मराठीवरून सोशल मीडियात खिल्ली उडविण्यात येत आहे. पहिलेच भाषण असल्याने उपस्थित जनसमुदायासमोर ते गडबडले होते. यावरून विरोधी पक्षांनी त्यांच्या भाषणाचा व्हिडिओ व्हायरल करत त्यांना लक्ष्य केले होते. नितेश राणे यांनी पार्थ पवारचे समर्थन केले आहे.

नितेश राणे यांनी ट्विट करत म्हटले आहे, की पार्थ पवारांच्या पहिल्या भाषणावर खिल्ली उडविण्यापेक्षा त्याला प्रोत्साहन दिले पाहिजे. पहिला भाषण आणि मोठी गर्दीसमोर बोलताना धाडस लागते. लंबी रेस का घोडा है, याद रखना!