सबस्क्राईब करा
हिंगोली : दिवंगत काँग्रेस नेते राजीव सातव यांच्या पत्नी आमदार प्रज्ञा सातव यांच्यावर कळमनुरी तालुक्यात दौऱ्यासाठी जात असतांना एका ठिकाणी अचानक अज्ञात इसमाने हल्ला केल्याचा प्रकार घडला होता. त्यानंतर आरोपीला पोलिसांनी ताब्यात घेतलं असून आरोपीच्या आईवडिलांनी प्रज्ञा सातव यांच्याकडे माफी मागितली आहे.
हेही वाचा - अंतरंगातून परमेश्वरापर्यंत भक्तिभाव थेट पोहोचवणारा वेदान्त आश्रम
दरम्यान, कळमनुरी तालुक्यातील कसबे धवंडा येथे प्रज्ञा सावंत यांच्यावर हल्ला करण्यात आला होता. महेंद्र असं या आरोपीचं नाव असून त्याच्यावर बाळापूर पोलिसांनी गुन्हा दाखल करत पुढील कारवाई सुरू केली आहे. या प्रकारानंतर आरोपीचे आईवडील प्रज्ञा सातव यांच्या भेटीला त्यांच्या घरी गेले आहेत.
"आमचा मुलगा बकऱ्यामागे असतो त्याने नशेच्या भरात हे कृत्य केलं, त्याने केलं ते खूप चुकीचं आहे. आम्हाला माफ करा, आमचा मुलगा काही कमावत नाही, आम्ही त्याला बोललो पण आता आमच्या मुलाचं चुकलं असून आम्हाला एवढ्या वेळेस माफ करा" असं म्हणत आरोपीच्या आईने टाहो फोडला आहे. तर तुमच्या मुलाला काहीही झालं नाही असं प्रज्ञा सातव यांच्या कार्यकर्त्यांनी सांगितलं आहे.
"आम्ही आमचा गुन्हा माफ करतो, ताईंच्या पाया पडतो. घरी लहान लेकरं आहेत. ते उपाशी आहेत, सून कामाला जाते, त्याने कुणाच्या सांगण्यावरून हे कृत्य केलं ते आम्हाला माहिती नाही" असं म्हणत आरोपी महेंद्र याच्या आईने प्रज्ञा सातव यांच्याकडे माफी मागितीली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
