राज ठाकरेंनी दादांच 'ते' आव्हान स्विकारलं?

मनसे अध्यक्ष राज ठाकरे यांची पुण्यातील सभा या आठवड्याच्या शेवटी होणार आहे.
राज ठाकरेंनी दादांच 'ते' आव्हान स्विकारलं?

पुणे: मनसे अध्यक्ष राज ठाकरे यांची पुण्यातील सभा या आठवड्याच्या शेवटी होईल. ही सभा नदीपात्राऐवजी सभागृहात होणार आहे. तसेच यासंदर्भात अधिक माहिती राज ठाकरे ट्विट करत देतील अशी माहिती मनसे नेते बाबू वागस्कर यांनी दिली आहे. उपमुख्यमंत्री अजित पवार यांनी नाशिक सभेत राज ठाकरे यांना दिवसा सभा घेण्याच आव्हान दिले होते. दादांचे हे आव्हान राज ठाकरेंनी स्विकारलं अशी चर्चा राजकीय वर्तुळात रंगली आहे.

दोन आठवड्यापूर्वी अजित पवारांनी नाशिकमध्ये घेतलेल्या सभेत राज ठाकरेंवर निशाणा साधला. यावेळी त्यांनी राज ठाकरे यांना भर दुपारी सभा घेण्याचे आव्हान दिलं. 'आम्ही सकाळी, दुपारी सभा घेतो. यांनी कधी दूपारी सभा घेतली का असा सवाल अजित पवार यांनी केला.

कधी कष्ट घेतले आहेत का? यांची सभा कधी संध्याकाळी. उगीच लोकांची दिशाभूल करायची, हे तुमच्या माझ्या महाराष्ट्राला परवडणारे नाही. राजकीय स्वार्थापोटी समाजामध्ये फूट पाडण्याचे काम सुरु आहे. चांगले वातावरण गढूळ करण्याचे काम काही लोकांकडून केले जात आहे', असे अजित पवार म्हणाले.

पवारांच्या या आरोपानंतर राज ठाकरे यांनी थेट पुण्यात सभा आयोजित केली आहे. ती सभगृहात होणार असल्याची माहिती समोर आली आहे.

नदीपात्रात सभा होणार असल्याचं निश्चित झालं होतं. मात्र, हवामान खात्याचा अंदाज पाहता पाऊस कधीही येऊ शकतो. अशा परिस्थितीत अचानक पाऊस आला तर हजारो लोकांना त्रास होईल.

यामुळे 21 ऐवजी 22 मे रोजी गणेश कला क्रीडा मंच इथे सकाळी दहा वाजता सभा घेण्याचा निर्णय राज ठाकरे यांनी घेतला आहे.

राज ठाकरेंनी ५ जून रोजी अयोध्या दौरा जाहीर केला आहे. या दौऱ्यापूर्वी पुण्यात सभा घेऊन रणशिंग ते फुंकणार असल्याचं बोललं जात होतं. डेक्कन भागातील भिडे पुलाजवळील नदी पात्रात ही सभा घेणार असल्याचं मनसेकडून जाहीरही करण्यात आलं होतं. मात्र, आता ही सभा सभागृहात होणार आहे. कार्यकर्त्यांनी या सभेसाठी तयारीही सुरु केली होती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com