...पण पेशव्यांनी स्वत:ला छत्रपती म्हणवून घेतलं नाही; राज ठाकरेंचा सेनेवर निशाणा | Sakal
sakal

बोलून बातमी शोधा

raj thackeray

...पण पेशव्यांनी स्वत:ला छत्रपती म्हणवून घेतलं नाही; राज ठाकरेंचा सेनेवर निशाणा

मुंबई : शस्त्रक्रियेनंतर मनसे अध्यक्ष राज ठाकरे अॅक्टिव्ह झाले असून त्यांनी काल पहिल्यांदाच पक्षातील प्रमुख पदाधिकाऱ्यांची बैठक घेतली. त्याचबरोबर आज त्यांनी जाहीर सभा घेत आपल्या कार्यकर्त्यांना संबोधित केले आहे. यावेळी "मला पक्ष चिन्हाची आणि नावाची गरज नाही माझ्याकडे बाळासाहेबांचा विचार आहे त्या विचाराने मी पुढे जाणार" असं म्हणत शिवसेनेवर अप्रत्यक्षरित्या टीका केली आहे.

(Raj Thackeray Speech)

"वारसा हा वास्तूंचा नाही विचारांचा चालवावा लागतो. शिवाजी महाराजांनी जो विचार दिला तोच विचार पुढे पेशव्यांनी पसरवला पण कधी स्वत:ला छत्रपती म्हणवून घेतलं नाही, त्यांचं म्हणणं होतं की छत्रपती तेच, आम्ही फक्त त्यांचा विचार पोहोचवतो, असंच माझं आहे, मीही बाळासाहेबांचा विचार पुढे नेत आहे." असं म्हणत त्यांनी सध्याच्या राजकीय परिस्थितीवर निशाणा साधला असून शिवसेनेवर बोचरी टीका केला आहे.

हेही वाचा: मराठा आरक्षणाच्या मुद्द्यावरुन राज ठाकरेंचा टोला; म्हणाले...

हेही वाचा: महाराष्ट्रात जे काही चाललंय ती चांगली गोष्ट नाहीय; राज ठाकरेंचं राज्याच्या राजकारणावर मोठं भाष्य

दरम्यान, यावेळी बोलताना त्यांनी आपल्या शस्त्रक्रियेदरम्यानचे किस्से सांगत प्रेक्षकांना हसवलं. माझा शस्त्रक्रियेचा अनुभव खूप भयंकर होता. माझ्या शस्त्रकियेला आता दोन महिने पूर्ण होत आहेत. कोरोनामुळं माझ्या हाडांचा आजार बळावलाय, असं त्यांनी मेळाव्यात स्पष्ट केलं.

त्याचबरोबर, राज्यातील टोलमधून येणार पैसा कुठं जातो असा सवाल करत महाराष्ट्रातील सत्ता माझ्या हातात देऊन बघा सगळे टोल बंद करून दाखवतो असंं आश्वासन राज ठाकरेंनी यावेळी दिलं. त्यांनी नुपूर शर्मा प्रकरणाबद्दल वक्तव्य करताना म्हटलं की, हिंदूंवर आक्षेपार्ह बोलणाऱ्याला वेगळा नियम का? झाकीर नाईक, ओवैसी हे कित्येकदा हिंदू देवीदेवतांविषयी आक्षेपार्ह बोलले आहेत त्यांच्यावर कारवाई का झाली नाही? असा सवालही राज ठाकरे यांनी केला आहे.

Web Title: Mns Raj Thackeray Speech Shivsena Uddhav Thackeray

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..