Monsoon Alert: उद्या राज्यभरात मुसळधार पावसाची शक्यता

गेल्या काही दिवसांपासून राज्यात पावसानं चांगलाच जोर धरल्याचं पाहायला मिळतं आहे. सप्टेंबर अखेरिस सुरू झालेल्या जोरदार पावसामुळे अनेक ठिकाणी मोठ्या प्रमाणात शेतकऱ्यांचं नुकसान झाल्याचं पाहायला मिळालं. त्यातच आता पुन्हा एकदा राज्यात ९ ऑक्टोबरला मोठ्या प्रमाणात पाऊस होण्याची शक्यता आहे. हवामान विभागाचे शास्त्रज्ञ के.एस. होसळीकर यांनी दिली आहे.

राज्यात मागच्या काही काळापासून सर्वत्र जोरदार पाऊस सुरू आहे. मोठ्या प्रमाणात झालेल्या या पावसामुळे अनेक ठिकाणी पुरसदृष्य परिस्थिती निर्माण झाली होती. त्यातच मराठवाड्यात या पावसामुळे शेतकऱ्यांची सगळी पिकं पाण्यात गेल्याचे पाहायला मिळाले. हवामान विभागातील शास्त्रज्ञ के.एस. होसळीकर यांनी आता पुन्हा एकदा राज्यात जोरदार पाऊस होणार असल्याने सतर्कतेचा इशारा दिला आहे. "फार क्वचित वेळा असे चित्र दिसते कि संपूर्ण महाराष्ट्रात गडगडाट सहित पाऊस पडण्याची शक्यता.." अशी माहिती के.एस. होसळीकर यांनी दिली आहे.

दरम्यान, येत्या 4,5 दिवसात राज्यात काही ठिकाणो गडगडाटासह जोरदार पाऊस पडण्याची शक्यता असून, गडगडाट होत असताना व विजा चमकत असताना कृपया बाहेर जाणे टाळा किंवा योग्य आसरा घ्या असे आवाहन देखील होसळीकर यांनी यावेळी केले आहे.