Monsoon Session: विधानसभेत बोगस बियाण्यांवरुन गदारोळ, कृषीमंत्री धनंजय मुंडे संतापले

Monsoon Session: महाराष्ट्र पावसाळी अधिवेशनाचा आज तिसरा दिवस आहे. आज खतांच्या किमतीवरुन विजय वडेट्टीवर आणि कृषीमंत्री धनंजय मुंडे आमने-सामने आले. यावेळी दोघेही आक्रमक झाले होते. विधानसभा अध्यक्षांनी दोघांना शांत केले.

खतांच्या किमती आंतरराष्ट्रीय पातळीवरती 20 टक्क्यांनी कमी झाले आहे. तर मग राज्यात का कमी होत नाहीत. अधिकचा दर देऊन खत खरेदी करावा लागत आहे, असा प्रश्न वडेट्टीवार यांनी मांडला.

यावर धनंजय मुंडे यांनी आक्रमक उत्तर दिले. केंद्र सरकारने खताचे दर वाढवले नाही. खतांचा दर अधिक असतो त्यावेळी सवलत देऊन केंद्र सरकार खतांचे दर स्थिर ठेवते. सभागृहात संभ्रम निर्माण करण्याचा प्रयत्न होत आहे.

सभागृहात गोंधळ झाल्यानंतर नाना पटोले, विजय वडेट्टीवार, बाळासाहेब थोरात आक्रमक झाले. यावेळी विधानसभा अध्यक्षांना विरोधकांना शांत केले.

आशिष शेलार म्हणाले, खत विषय असताना बाळासाहेब थोरात, विषय वड्डेटीवार, नाना पटोले, हे सगळे नेते 'विरोधी पक्षनेते' पद मिळावे म्हणून बोलत आहेत. यापेक्षा जास्त विरोधी पक्ष नेत्याचा प्रश्न आहे तो त्यांनी निपटवा.

यावर मंत्र्यांची वकिली आशिष शेलार का करतात?, असा सवाल अशोक चव्हाण यांनी उपस्थित केला.