निर्णय वेगवान महाराष्ट्र गतिमान! ST महामंंडळाची 'शिवशाही' बस अडकली खड्ड्यात; Video होतोय Viral

सोशल मीडियावर मागच्या काही दिवसांपासून एसटी बसचे काही व्हिडिओ व्हायरल होत आहेत. छप्पर उडणाऱ्या बसचा व्हिडिओ, छतामधून पाणी गळणाऱ्या बसचा व्हिडिओ, समोरील काचेवरील पावसाचे पाणी हाताना वायपर फिरवून साफ करणाऱ्या ड्रायव्हरच्या बसचा व्हिडिओ व्हायरल झाले आहेत. तर आता रस्त्यावरील खड्ड्यात अडकलेल्या एसटी बसचा व्हिडिओ समोर आला आहे.

व्हायरल व्हिडिओमध्ये एसटीची शिवशाही ही बस रस्त्यावरील एखा खोल खड्ड्यामध्ये अडकलेली दिसत आहे. तर एसटीचा पाठीमागचा भाग यामुळे तुटलेला दिसत आहे. चालक आणि वाहक खाली उतरल्याचं या व्हिडिओमध्ये दिसत आहे. तर या व्हिडिओनंतर सरकारवर निशाणा साधला जात आहे.

दरम्यान, महाराष्ट्र सरकारने "निर्णय वेगवान महाराष्ट्र गतिमान" हा नारा लावला आहे. पण गतिमान सरकारच्या काळात खड्ड्यामध्ये बस अडकण्याच्या घटना घडत आहेत. हा रस्ता मुंबई गोवा महामार्ग असल्याचं बोललं जातंय, तर व्हिडिओवर नेटकऱ्यांनी आपल्या संतप्त प्रतिक्रिया व्यक्त केल्या आहेत.

एसटीचे उत्पन्न वाढले

महाराष्ट्र सरकारने महिलांना प्रवासात ५० टक्के सूट दिल्यानंतर एसटी महामंडळाच्या उत्पन्नात वाढ झाली आहे. तर मागील काही दिवसांपासून एसटी महामंडळातील दुरावस्थेचे अनेक व्हिडिओ सोशल मीडियावर व्हायरल झाले आहेत. छप्पर उडालेल्या बसच्या व्हिडिओप्रकरणी संंबंधित अभियंत्याला निलंबीत करण्यात आले होते.