Mumbai-Goa highway accident : मुंबई-गोवा महामार्गावर भीषण अपघात; 9 जण जागीच ठार

रायगड : मागील काही दिवसांपासून दररोज सातत्याने अपघात होत आहेत. शिर्डी येथील अपघाताची घटना ताजी असतानाच आज मुंबई-गोवा राष्ट्रीय महामार्गावर भीषण अपघात झाला. (Mumbai-Goa highway accident news in Marathi)

मुंबई-गोवा महामार्गावर झालेल्या या अपघातात ९ जणांचा जागीच मृत्यू झाला आहे, तर एक चार वर्षांचा मुलगा जखमी झाला आहे. मृतांमध्ये चार महिला आणि पाच पुरूषांचा समावेश आहे. इको कार आणि ट्रकमध्ये समोरासमोर धडक झाल्याने हा अपघात झाला.

माणगाव तालुक्यातील रेपोली गावाजवळ पहाटे पाच वाजण्याच्या सुमारास अपघात झाला. गोरेगाव पोलीस तातडीने अपघातस्थळी दाखल झाले आहेत. स्थानिक ग्रामस्थ व पोलीस यांच्या सहकार्यमुळे मुलाचे प्राण वाचले. ट्रक रस्त्याच्या विरूद्ध दिशेने येऊन इको कार वर धडकल्याने हा अपघात झाला.