Aaditya Thackeray| नारायण राणेंनी केली आदित्य ठाकरेंची उंदराशी तुलना | Sakal
sakal

बोलून बातमी शोधा

Aaditya Thackeray

नारायण राणेंनी केली आदित्य ठाकरेंची उंदराशी तुलना

नारायण राणे आणि उद्धव ठाकरे-शिवसेना हा संघर्ष काही नवीन नाहीये. दरम्यान, राणे यांनी युवा नेते आदित्य ठाकरे यांच्याबद्दल केलेले विधान सध्या चर्चेत आहे आहे. राणे यांनी आदित्य ठाकरे यांची तुलना थेट उंदराशी केली आहे. त्यामुळे राज्यात नव्या वादाला तोंड फुटण्याची शक्यता वर्तवण्यात येत आहे.(narayan rane compared shivsena leader aditya thackeray to a mouse)

पुन्हा पक्षबांधणीसाठी आदित्या ठाकरे राज्यभरात निष्ठा यात्रा सह शिवसंवाद यात्रा करत आहे. शिवसैनिकांची प्रत्यक्ष भेट घेत त्यांच्याशी संवाद साधत आहे. आदित्य ठाकरे यांच्या या दौऱ्यावरून नारायण राणे यांनी आपल्या शैलीत टीका केली आहे.

राष्ट्रवादी आणि काँग्रेसच्या मदतीने टीव टीव करत हा उंदीर महाराष्ट्रभर फिरत आहे, अशा शब्दांत नारायण राणे यांनी आदित्य ठाकरेंवर टीका केली.

तसेच, मुख्यमंत्री एकनाथ शिंदे हे स्वत: च्या कर्तुत्वावर राज्याचे मुख्यमंत्री झाले आहे. दसरा मेळावा जर झाला तर तो एकनाथ शिंदे घेतील. जर एकनाथ शिंदे यांनी दसरा मेळाव्याला बोलावलं तर मी नक्की येईल, असे नारायण राणे म्हणाले.

बाळासाहेबांच्या नावाने उद्धव ठाकरेंना मुख्यमंत्रिपद मिळाले होते. आता तुम्ही निवृत्त झाला आहात, त्यामुळे तुम्हाला आता बोलण्याचा अधिकार नाही, टीका करण्याचा अधिकार नाही. आता घरी बसा. स्वत: च्या कर्तृत्वावर संरपंच होण्याची सुद्धा लायकी नाही, अशी टीकाही राणेंनी केली.

Web Title: Narayan Rane Compared Shivsena Leader Aditya Thackeray To A Mouse

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..