आंबा बागायतदारांना नारायण राणे यांचा शब्द, म्हणाले

रत्नागिरी : बागायतदारांना सरकारी मोबदला कसा देता येईल यासाठी मी नक्कीच प्रयत्न करणार आहे. आंबा बागायतदारांना कोणतीही अडचण येऊ देणार नाही. याची काळजी मी घेणार आहे. यावर चर्चा करून नक्कीच पुढची दिशा ठरवणार, असे आवाहन केंद्रीय मंत्री नारायण राणे यांनी रत्नागिरीत जनसंवाद यात्रे दरम्यान केले.

पुढे ते म्हणाले, कोकणातील आंबा बागायतदार अडचणीत आहेत. पण तुम्हाला शब्द तो की तुमचे सर्व प्रश्न मार्गी लावणार. तुमच्यावर आत्महत्येची वेळ येऊन देणार नाही, असा शब्द नारायण राणे यांनी दिला. यावेळी त्यांनी शिवसेनेवर टीका करण ही टाळलं.

ते म्हणाले, मी आशीर्वाद घेण्यासाठी रत्नागिरीत आलो आहे. तेव्हा आंबा बागायातदार भेटु इच्छीत आहेत,असे मला सांगण्यात आले. त्यांची भेट घेतली त्यांच्या समस्याबाबत त्यांनी माहिती दिली. मी एवढेच सांगिन की, तुमचे निवेदन मिळाले आहेत. याचा अभ्यास करून बागायतदारांना सरकारकडून कसा मोबदला मिळावा आणि मिळेल यासाठी नक्कीच प्रयत्न करीन. त्यापैकी एक बागायतदार म्हणाला, नाहीतर आम्हाला आत्महत्या करावी लागल. पण मी तुम्हाला शब्द देतो की ही वेळ मी येऊन देणार नाही.

देशाचा कॅबिनेट मंत्री असलो तरी कोणातून गेलो आहे. हा सामाईक प्रश्न मी सोडविण्याचा नक्की प्रयत्न करणे. आंबा बागायतदारांच्या कर्जाचे पुनर्रगठण करण्यात आले. परंतु त्याचा फायदा झाला नाही. त्यांना पुन्हा कसे आर्थिकदृष्ट्या उभा करता येईल, यादृष्टीने माझा प्रयत्न आहे. पंतप्रधान नरेंद्र मोदी यांनी मला मंत्रीपद देताना, सुक्ष्म लघु व मध्यम उद्योग मंत्रीपद दिले. यामध्ये फुड प्रोसेसिंग एक विभाग आहे. अधिकाऱ्याला घेऊन बागायदारांना कसा दिलासा देता येईल आणि तुमचे प्रश्न कसे सोडविता येतील यासाठी माझा प्रयत्न राहिल.