भाजप,सेनेला 'जोर का झटका' : 100 कार्यकर्त्यांचा राष्ट्रवादीत प्रवेश : Chiplun | Sakal
sakal

बोलून बातमी शोधा

सावर्डेः राष्ट्रवादीत प्रवेश केलेल्या कार्यकर्त्यांसमवेत आमदार शेखर निकम.

आगामी जिल्हा परिषद व पंचायत समिती निवडणुकीत सर्व जागा जिंकायच्याच आहेत.

भाजप,सेनेला 'जोर का झटका' : 100 कार्यकर्त्यांचा राष्ट्रवादीत प्रवेश

चिपळूण : आमदार शेखर निकम (Shekhar Nikam)यांच्या कर्यपद्धतीवर विश्वास ठेवून भाजप, शिवसेना (BJP,Shivsena)पक्षाला ''जोर का झटका''देत शेकडो पदाधिकारी कार्यकर्त्यांनी कोकरे जिल्हा परिषद गटाच्या मेळाव्यात राष्ट्रवादी काँग्रेस पक्षात जाहीर प्रवेश केला. या भागातील राष्ट्रवादी पक्षाच्या माध्यमातून अनेक पदे भोगलेल्यांनी इतर राजकीय पक्षामध्ये प्रवेश केला होता. त्यामुळे कोकरे जिल्हा परिषद गटाच्या या मेळाव्याकडे संपूर्ण तालुक्याचे लक्ष लागले होते. या जाहीर मेळाव्याने राष्ट्रवादी काँग्रेसने विरोधकांना प्रत्युत्तर दिले.

मेळाव्यात भाजप जिल्हा उपाध्यक्ष अनिल चव्हाण यांच्यासह असुर्डेचे उपसरपंच महेंद्र नरोटे, दत्ताराम बने, कुटरे ग्रामपंचायत सदस्य राजाराम घेवले, संभाजी घेवले, गणेश पेंडामकर, जनार्दन लाखन, आत्माराम चांदिवडे, येगांवचे विठ्ठल चव्हाण, अमर चव्हाण, प्रमोद भिंगार्डे, अजय घाग, प्रदीप घाग, बाळू नांदळे, नांदगाव ढमालवाडी अमोल कदम, महेश काणेकर व सहकारी नांदगाव गुरववाडी वसंत तुळसणकर, राकेश तुळसणकर, नांदगाव रोहिदासवाडी सोनू सावर्डेकर, दिलीप सावर्डेकर, आंबतखोल वेताळवाडी सुरेश खापरे, शांताराम खापरे, तळवडे पातेचे दगडू निकम व सहकारी कुशीवडे शिगवणवाडी महेंद्र शिवगण व सहकारी यांच्यासह प्रमुख शेकडो शिवसेना व भाजपच्या कार्यकर्त्यांनी राष्ट्रवादी कॉंग्रेसमध्ये आमदार निकम यांच्या उपस्थितीत राष्ट्रवादीत जाहीर प्रवेश केला.

हेही वाचा: Rain : राज्यात मुंबई, ठाण्यासह पुण्यात 2 डिसेंबरपर्यंत पावसाचा इशारा!

आमदार शेखर निकम म्हणाले, आपण सर्वजणच गेली दोन वर्षे कोरोना महामारी, वादळ, महापूर अशा अनेक समस्यांवर मात करीत आहोत. त्यात आपला जनसंपर्कसुद्धा दुरावला होता. अशा कठीण प्रसंगात संपूर्ण मतदारसंघात विविध ठिकाणी अनेक योजनांमार्फत विकासकामे करण्याचा प्रयत्न केला. आगामी जिल्हा परिषद व पंचायत समिती निवडणुकीत सर्व जागा जिंकायच्याच आहेत. कोणी कोठे गेले तरी मी तुमच्या पाठीशी ठामपणे उभा आहे. लागेल ती ताकद माझ्याकडून मी देईन.

Web Title: Nationalist Congress Party 100 Party Worker Entry Shekhar Nikam Konkan Political News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..