CM शिंदेंनी बाहेर पडायला हवं होतं; जयंत पाटलांची मुख्यमंत्र्यांवर टीका | Sakal
sakal

बोलून बातमी शोधा

jayant patil

CM शिंदेंनी बाहेर पडायला हवं होतं; जयंत पाटलांची मुख्यमंत्र्यांवर टीका

राज्याचे मुख्यमंत्री एकनाथ शिंदे हे दिल्लीत निती आयोगाच्या बैठकीत सहभागी झाले, दरम्यान निती आयोगाच्या बैठकीनंतर झालेल्या फोटो सेशन वरुन राज्यात नवा वाद पेटला आहे. या फोटोमध्ये मुख्यमंत्री शिंदे शेवटत्या रांगेत उभे राहिल्याचा फोटो सोशल मीडियावर व्हायरल झाल्यानंतर राष्ट्रवादी काँग्रेसचे प्रदेशाध्यक्ष जयंत पाटील यांनी केंद्र सरकारवर टीका केली.

जयंत पाटील यांना पंतप्रधान मोदींची तुलना थेट औरंगजेबासोबत केली आहे, ते म्हणाले की, औरंगजेबाच्या दरबारात छत्रपती शिवाजी महाराज यांना दुसऱ्या ओळीत स्थान देण्यात आले होते. त्यामुळे शिवाजी महाराजांनी तिथून बाहेर पडायचा निर्णय घेतला होता, त्यामुळे आज एकनाथ शिंदे यांनी बाहेर पडणे गरजेचे होते, असे म्हटले आहे.

माध्यमांशी बोलताना पाटील पुढे म्हणाले की, जर भारतात न्याय शिल्लक असेल तर तो सर्वोच्च न्यायालयाच्या निकालात दिसून येईल. नसेल तर ते ही निकालातून कळेलच. तसेच आज महाराष्ट्राच्या मुख्यमंत्र्यांना शेवटच्या ओळीत उभं राहावं लागल्याबद्दल बोलताना पाटील म्हणाले की, औरंगजेबाच्या दरबारात शिवाजी महाराजाना दुसऱ्या रांगेत उभ केलं तर त्यांनी ती सभा सोडली. मुख्यमंत्र्यांनी याची आठवण ठेवावी. मी केवळ उदाहरण सांगितलं. मी कुणालाही औरंगजेबाची उपमा दिली नाही. ती सभा मोदींची होती मला नवा वाद उभा करायचा नाही . प्रोटोकॅाल नुसार अल्फाबेट नुसार अरेंजमेंट असते, असंही ते म्हणाले.

हेही वाचा: CM तिसऱ्या रांगेत, राष्ट्रवादीच्या टीकेला भाजपचं प्रत्युत्तर; म्हटलं स्वाभिमानाच्या...

दरम्यान, पंतप्रधान नरेंद्र मोदी यांच्या अध्यक्षतेखाली नीती आयोगाची सातवी बैठक पार पडली. या बैठकीला महाराष्ट्राचे मुख्यमंत्री एकनाथ शिंदे यांच्यासह सर्व राज्याचे मुख्यमंत्री उपस्थित होते. यानंतर झालेल्या फोटो सेशनमध्ये मुख्यमंत्र्यांना शेवटच्या ओळीत उभं केल्यावरून राष्ट्रवादीचे नेते रोहित पवार यांनी टीका केली होती.

हेही वाचा: Royal Enfield ने भारतात लाँच केली सर्वात स्वस्त बाईक, जाणून घ्या किंमत

Web Title: Ncp Jayant Pati On Cm Eknath Shinde Niti Ayog Pm Modi Maharashtra Politics

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..