Video : मला उपमुख्यमंत्री करावं पण... : अजित पवार

बारामती : ज्या बारामतीतील लोकांनी मला एक लाख 65 हजार मताधिक्‍याने निवडून दिलं त्यांची कामं मला करायची आहेत. कार्यकर्त्यांना वाटते मला उपमुख्यमंत्री करावं पण ठरवण्याचा निर्णय पक्षप्रमुखांचा पक्षप्रमुखांचा आहे, असे राष्ट्रवादीचे नेते अजित पवार यांनी म्हटले आहे.

ताज्या बातम्यांसाठी डाऊनलोड करा ई-सकाळच अॅप

मी आणि देवेंद्र फ़डणवीस शेजारी बसलो म्हणजे लगेच काहीतरी सुरु झालय अस समजण्याच कारण नाही, आम्ही शेजारी बसून हवापाण्याच्याच गप्पा मारल्यात अशा शब्दात माजी उपमुख्यमंत्री अजित पवार यांनी फडणवीस व त्यांच्या भेटीचे वर्णन केले. हे वर्णन करताना त्यांचा मूड मिश्कील शैलीचा होता. 

Video : अजित पवार म्हणतात, चिंता नको; देवेंद्रसोबत हवापाण्याच्या गप्पा मारल्या

अजित पवार म्हणाले, की खातेवाटपाचा निर्णय मुख्यमंत्री घेतील तो अधिकार त्यांचा आहे. देवेंद्र फडणवीस मुलाखतीत काय म्हणाले यावर मला काही बोलायचे नाही. सिंचन घोटाळ्यासंदर्भात क्लीनचिट मिळाल्याच्या विषयावर देखील मी बोलणार नाही. संजयमामा शिंदे यांच्या मुलाच्या लग्नात देवेंद्र आणि माझी खुर्ची शेजारी शेजारी मांडली होती. त्यामुळे सहज चर्चा झाली. आम्ही हवापण्याविषयी बोललो..!