Jayant Patil l अनेकांनी पक्ष सोडला तरीही राष्ट्रवादी उभा-जयंत पाटील | Sakal
sakal

बोलून बातमी शोधा

Jayant Patil l अनेकांनी पक्ष सोडला तरीही राष्ट्रवादी उभा-जयंत पाटील

ज्यांनी आयुष्य राष्ट्रवादीसोबत काढले, ते शेवटच्या क्षणी सोडून गेले. मंत्री होणे काहींच्या नशीबात नसेल तर त्याला आपण काय करणार?

Jayant Patil l अनेकांनी पक्ष सोडला तरीही राष्ट्रवादी उभा-जयंत पाटील

सोलापूर: ज्यांनी आयुष्य राष्ट्रवादीसोबत काढले, ते शेवटच्या क्षणी सोडून गेले. मंत्री होणे काहींच्या नशीबात नसेल तर त्याला आपण काय करणार? अनेकांना आज प्रचंड दुःख होत आहे. हे लोक पक्ष सोडून जातील तर पक्ष संपेल असं त्यांना वाटत होतं, मात्र पक्ष सावरून उभा राहीला असे वक्तव्य प्रदेशाध्यक्ष जयंत पाटील (Jayant Patil) यांनी केले. राष्ट्रवादी (NCP) परिवार संवाद यात्रेच्या पाचव्या पर्वाच्या आज तिसऱ्या दिवशी बार्शी (Barshi) विधानसभा मतदारसंघाचा आढावा घेत वैराग (Vairag) येथे कार्यकर्त्यांशी संवाद साधला.

हेही वाचा: Nilesh Rane l महाराष्ट्राची वाट लावणाऱ्यांना धडा शिकवायलाच हवा

वैराग नगरपंचायतीमध्ये तुम्ही पक्षाला सत्ता दिली आहे. या भागाचा विकास करण्यासाठी कुठेच कमतरता पडू देणार नाही, तसेच कोणताही निधी कमी पडू देणार नाही. आपण सर्वांनी २०२४ वर लक्ष ठेवून काम करावे. २०२४ साली राष्ट्रवादीचाच झेंडा इथे फडकेल यासाठी जय्यत तयारी करा असे आवाहन यावेळी जयंत पाटील यांनी केले.

पुढे ते म्हणाले, २०१९ साली अनेक जण पक्षाला सोडून गेले. आता काही राष्ट्रवादी सत्तेत येत नाही, ही भावना या लोकांच्या मनात होती. मात्र आदरणीय खा. शरद पवार (Sharad Pawar) साहेबांच्या मार्गदर्शनाने राष्ट्रवादीने पुन्हा भरारी घेतली असेही जयंत पाटील म्हणाले.

Web Title: Ncp Leader Jayant Patil Visit In Barshi Vairag Solapur Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..