मुंबई : भाजपसोबत सत्तेत गेलेले राष्ट्रवादी काँग्रेसचे नेते अजित पवार यांचे मन वळविण्यासाठी राष्ट्रवादी काँग्रेसचे प्रमुख नेते त्यांना भेटीसाठी गेले आहेत.
अजित पवार यांचे चांगले संबंध असलेले राष्ट्रवादीचे दिलीप वळसे पाटील, सुनील तटकरे आणि हसन मुश्रीफ हे तीन नेते अजित पवारांच्या भेटीला गेले आहेत. अजित पवार हे सध्या मुंबईत त्यांचे बंधू श्रीनिवास पवार यांच्या निवासस्थानी आहेत. त्यांनी अद्याप शपथविधीनंतर कोणतीही अधिकृत प्रतिक्रिया दिलेली नाही. त्यामुळे अजित पवार आता काय भूमिका घेणार याकडे महाराष्ट्राचे लक्ष लागले आहे.
नुकतेच शरद पवारांवर ईडीची कारवाई झाल्यानंतर अचानक अजित पवार यांनी राजीनामा दिला होता. त्यामुळे महाराष्ट्राचे लक्ष दुसरीकडे वेधले गेले होते. अगदी आजही तसेच झालेले दिसत आहे. राष्ट्रवादी-शिवसेना आणि काँग्रेस यांचे सरकार अंतिम टप्प्यात असताना त्यांनी अचानक देवेंद्र फडणवीस यांच्यासोबत उपमुख्यमंत्रीपदाची शपथ घेतली होती. त्यामुळे आता राष्ट्रवादीचा पाठिंबा नसलेल्या अजित पवार काय निर्णय घेतात हे पाहणे उत्सुकतेचे ठरणार आहे.
आणखी वाचा : ताज्या बातम्या मुख्य बातम्या
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.