Accident News: राष्ट्रवादीचे आमदार संदीप क्षीरसागर यांच्या मामाचा कार अपघातात मृत्यू

राष्ट्रवादीचे आमदार संदीप क्षीरसागर यांचे मामा आणि काँग्रेसचे ज्येष्ठ नेते माणिकराव रायजादे यांचा अपघातात मृत्यू झाला आहे. धुळे- सोलापूर महामार्गावर झालेल्या भीषण अपघातात माणिकराव रायजादे यांचा मृत्यू झाला आहे. या भीषण अपघातात क्षीरसागर यांचा मावस भाऊ या अपघातात जखमी झाला असून, त्याच्यावर रुग्णालयात उपचार सुरु आहेत.

नाशिक जिल्ह्यातील सिन्नर येथील मूळचे माणिकराव रायजादे हे त्यांच्या दिवंगत बहीण, राष्ट्रवादीच्या आमदार संदीप क्षीरसागर यांच्या आई रेखाताई क्षीरसागर यांच्या धार्मिक विधीसाठी दर महिन्याला बीडला जातात. हे धार्मिक विधी आटोपल्यानंतर आपल्या मुलासह नाशिकला परतत असताना हा भीषण अपघात झाला आहे.

दरम्यान अचानक गाडी डिव्हायडरला जाऊन धडकल्याने हा भीषण अपघात झाला. या अपघातात माणिकराव रायजादे यांचा जागीच मृत्यू झाला आहे, तर त्यांचा मुलगा प्रीतम रायजादे हा जखमी झाला आहे. प्रीतम रायजादे यांच्यावर खाजगी रुग्णालयात उपचार सुरू असल्याची माहिती समोर येत आहे.