Amol Kolhe: “भावी मुख्यमंत्री जयंत पाटील...”, म्हणणाऱ्या अमोल कोल्हेंनी केले अजित पवारांचं कौतुक

गेल्या काही दिवसात राज्याचे भावी मुख्यमंत्री कोण असणार त्यावर चर्चा सुरू होती. त्यावेळी राष्ट्रवादीतील जेष्ठ राजकीय नेत्यांसह अनेकांच्या नावांची चर्चा सुरू झाली. यामध्ये जयंत पाटील, सुप्रिया सुळे आणि अजित पवार यांचे राज्यभरात ठिकठिकाणी पोस्टर लावण्यात आले. त्यानंतर राष्ट्रवादीत कोणत्या नेत्याला मुख्यमंत्री म्हणून पाहायला आवडेल या प्रश्नावर राष्ट्रवादीचे प्रदेशाध्यक्ष जयंत पाटील हे मुख्यमंत्री म्हणून बघायला आवडतील, असं वक्तव्य करणारे राष्ट्रवादीचे शिरूर लोकसभेचे खासदार अमोल कोल्हे यांनी अजित पवार यांचं तोंडभरून कौतुक केल्याचं दिसून आलं आहे. (Latest Political Marathi News)

खासदार अमोल कोल्हे यांची मंगळवारी एक मुलाखत झाली. पिंपरी- चिंचवडमधील दिशा सोशल फाउंडेशनने खासदार अमोल कोल्हे यांची मुलाखत आयोजित केली होती. या मुलाखतीमध्ये अमोल कोल्हेंनी अनेक प्रश्नांची दिलखुलास उत्तरं दिली. राज्याचे विरोधी पक्षनेते अजित पवार यांच्यामुळेच मी शिरूर लोकसभेचा खासदार झालो असा खुलासा अमोल कोल्हेंनी केला आहे. तुम्ही भाजपामध्ये जाणार का? या प्रश्नाचेही उत्तर त्यांनी दिलं आहे.

भावी मुख्यमंत्री म्हणून राष्ट्रवादी काँग्रेसचे प्रदेशाध्यक्ष जयंत पाटलांचा उल्लेख करणारे खासदार अमोल कोल्हे यांनी स्वतःच्या वक्तव्यावर सारवासारव केली आहे. मी केवळ आणि केवळ अजित पवारांमुळं खासदार झाल्याचं दावा त्यांनी यावेळी केला आहे. अजित पवार की जयंत पाटील यांना अनुसरून ते वक्तव्य नव्हतं, माझ्या त्या वक्तव्याचा विपर्यास केला गेला असंही कोल्हे यांनी भावी मुख्यमंत्री जयंत पाटील या वक्तव्यावर स्पष्टीकरण दिलं आहे.(Latest Political Marathi News)

तुम्ही भाजपामध्ये जाणार का? हा प्रश्न खासदार अमोल कोल्हेंना विचारताच काय करू असे त्यांनी प्रेक्षकांनाच विचारले, मग मिश्किल उत्तर देत म्हणाले “मतदारांमध्ये एक वाक्यता नाही, मग कशाला घाई करायची”, असे म्हणत त्यांनी वेळ मारून नेली. (Latest Political Marathi News)