Sushma Andhare: '11 ते 13 मे दरम्यान फडणवीस यांना धक्का बसेल अन्...', सुषमा अंधारेंचा दावा

राज्याच्या राजकारणात मोठे तर्क वितर्क लावले जात आहेत. अशातच मुख्यमंत्री एकनाथ शिंदे हे राज्यपालांकडे डिनर डिप्लोमसीला जाऊन आले. त्यांच्याकडे दुर्लक्ष करू नका. या घडामोडीतून बरेच राजकीय संकेत येत आहेत. येत्या 11 ते 13 मे दरम्यान राज्यात काय होईल ते सांगता येणार नाही. डिनर डिप्लोमसीनंतर देवेंद्र फडणवीस यांना धक्का लागला तरी आश्चर्य वाटणार नाही, असं वक्तव्य ठाकरे गटाच्या नेत्या सुषमा अंधारे यांनी केलं आहे.

देवेंद्र फडणवीस पुन्हा येण्यासाठी प्रयत्न करत आहेत. फडणवीसांच्या उठाठेवीमुळे पक्षाची इमेज खराब झाली आहे. एकनाथ शिंदेशी हातमिळवणी केल्यामुळे पक्षांची इमेज खराब झाली आहे, असंही सुषमा अंधारे म्हणाल्या आहेत.

देवेंद्र फडणवीस यांनी कर्नाटक निवडणुकीच्या एका रॅलीला बोलताना म्हंटलं की, मी पुन्हा येईन म्हटल्यावर येतच असतो. कसा येतो हे तुम्हाला माहीत आहे, असं फडणवीस म्हणाले होते. या विधानावरून सुषमा अंधारे यांनी फडणवीस यांना खोचक टोला लगावला आहे. फडणवीस पुन्हा येईन म्हंटलं होतं.

एकदा विरोधी पक्षनेते म्हणून आणि दुसऱ्यांदा उपमुख्यमंत्री म्हणून आले. फडणवीस यांच्या विरोधात दिल्लीश्वरांचा गट इथे सक्रिय आहे. त्यामुळे फडणवीस पुढील काळात येतील पण विरोधी पक्षांचे नेते म्हणून, असा टोला सुषमा अंधारे यांनी लगावला आहे.