पवार साहेब आता तरी संन्यास घ्या अन् गप्प घरी बसा - निलेश राणे

एसटी कर्मचाऱ्यांनी राष्ट्रवादीचे शरद पवार यांच्या बंगल्यावर दाखल झाले आहेत. याठिकाणी एसटी कर्मचारी आदोलकांनी चप्पल आणि दगडफेक सुरू केली आहे. दरम्यान या परिसरात कर्मचारी आक्रमक झाले असून कोर्टाचा निर्णय मान्य नसल्याचे त्यांनी सांगितलं आहे. या संपूर्ण परिस्थितीला शरद पवार जबाबदार असल्याचा आरोप कर्मचाऱ्यांनी केला आहे. एसटीच्या निलीनीकरणावर अद्याप कर्मचारी ठाम आहेत. दरम्यान, आता यावर राजकीय वर्तुळातून प्रतिक्रिया येत आहेत. भाजपाचे निलेश राणे यांनी पुन्हा एकदा शरद पवारांवर सडकून टीका केली आहे.

भाजपाचे निलेश राणे यांनी ट्विट केलं आहे. यात ते म्हणतात, काय उपयोग 50 वर्ष राजकारणात असून? सामान्य लोकं घरावर चप्पल आणि दगडी घेऊन आले. आयुष्यभर घाणेरडं राजकारण केल्यावर काय परिणाम होतो याचं उत्तम उदाहरण म्हणजे हा व्हिडिओ असं म्हणत त्यांनी एक व्हिडिओ पोस्ट केला आहे. पवार साहेब आता तरी सन्यास घ्या, गप घरी बसा, असा सल्लाही निलेश राणे यांनी दिला आहे.

दरम्यान, एसटीच्या निलीनीकरणावर अद्याप कर्मचारी ठाम आहेत. कोर्टाचा निर्णय अन्यायकारी असल्याचं कर्मचाऱ्यांनी म्हटलं आहे. शरद पवार यांनी कोणत्याही बैठका घडवून आणलेल्या नाहीत. पवार हे विलीनीकर न होण्यामागचे सूत्रधार असल्याचं काही कर्मचाऱ्यांनी म्हटलं आहे. महाविकास आघाडी सरकारने १२४ एसटी कर्मचाऱ्यांचा खून केल्याची संतप्त भूमिका आंदोलनकर्त्या एसटी कर्मचाऱ्यांनी मांडली आहे. आता याप्रकरणामुळे पुन्हा एकदा महाविकास आघाडी आणि भाजपा यांच्यातील संघर्ष आणखी चिघळणार का अशी चर्चा सुरु आहे.