हिंदूंच्या हिताचे निर्णय घेतले, तर काहींना त्रास होणारच: राणे

भारतीय संविधान दिनानिमित्ताने मुंबई (Mumbai)राष्ट्रवादी कॉंग्रेसच्या सामाजिक न्याय विभागाने प्रदेश कार्यालयात संविधान गौरव दिन विशेष कार्यक्रमाचे आयोजन केले होते. यावेळी सरकारचा निषेध करत विरोधकांनी या कार्यक्रमावर बहिष्कार घातला. दरम्यान केंद्र सरकार संविधान बदलू पाहतंय, भाजपला कडाडून विरोध करा अस म्हणत सुप्रिया सुळे (Supriya Sule)यांनी मोदी सरकारवर निशाणा साधला आहे. यावर आज भाजपचे नेते निलेश राणे (Nilesh Rane) यांनी आपण कायदे बनवायला आणि बदलायला खासदार झाले आहात का? असा सवाल उपस्थित करत उपरोधक टिका केली आहे.

काय म्हणाल्या सुप्रिया सुळे

मोदी सरकार संविधान बदलू पाहत असून, भाजपला जोरदार विरोध करा. संविधान जात, धर्म किंवा प्रांत नाही. तो एक ग्रंथरूपातला कष्टपूर्वक घडवलेला मार्गदर्शक आहे. पण केंद्रातील सत्ताधारी हे संविधान बदलू पाहत आहेत. त्यांचे प्रत्यक्ष किंवा अप्रत्यक्ष प्रयत्न याच दिशेने सुरू आहेत. आज आपली जी काही ओळख आहे ती संविधानामुळे आहे. त्यामुळे संविधानात जर कुणी बदल करत असेल तर त्याचा कडाडून विरोध करा. या देशातल्या सर्वसामान्य माणसाला ज्या संविधानाने ताकद दिली त्या संविधानाचा सन्मान आपल्याला टिकवायचा आहे. या संविधानाने ही ताकद आपल्याला दिली म्हणूनच संयुक्त किसान मोर्चातल्या शेतकऱ्यांचा लढा यशस्वी झाला आणि केंद्रसरकारला कृषी कायदे मागे घ्यावे लागले.

यावर निलेश राणे यांनी ट्विट करत टिका केली आहे. ते म्हणाले, खासदार सुळे विसरल्या 'संविधान बदलत अस्त' ज्याला अमेंडमेंट म्हणतात. आपण कायदे बनवायला आणि बदलायला खासदार झाले आहात, आपण इतके वर्ष जे बदल सुचवले त्याने संविधान बदललं असं म्हणायचं का? हिंदूंच्या हिताचे निर्णय घेतले तर काहींना त्रास होणारच पण बोलायचं म्हणून काही बोलू नका. अशी टिका निलेश राणे यांनी केली.