मुंबई : काँग्रेसचे आमदार व नारायण राणे यांचे सुपुत्र नितेश राणे यांनी आज (गुरुवार) अखेर भाजपमध्ये प्रवेश केला. शिवसेना-भाजप युतीच्या समझोत्यात कळीचा मुद्दा ठरलेल्या राणे यांना भाजपने सतत हुलकावनी दिली. मात्र आज अखेर भाजपने नितेश यांना पक्षप्रवेश देत शिवसेनेवर कुरघोडी केली आहे.
नितेश राणे यांना भाजप प्रवेश दिल्याने सिंधुदूर्गसह कोकणातील शिवसैनिकांत संतापाची लाट उसळली असून बंडखोरी होण्याचे संकेत आहेत. भाजपच्या याच राजकिय कुरघोडीमुळे राज्यभरात शिवसेना अनेक मतदारसंघात बंड करण्याच्या तयारीत असून भाजपने देखील शिवसेनेच्या मतदारसंघात त्यांच्या उमेदवारांना सज्ज राहण्याचे आदेश दिल्याची माहिती आहे. त्यासाठी दोन्ही पक्षांनी प्रत्येक मतदारसंघात एबी फाॅर्म देखील रवाना करत ऐनवेळची काळजी घेतल्याची माहिती आहे.
दरम्यान अनेक मतदार संघात स्थानिक पातळीवरील युतीतला तणाव शिगेला पोचला असून मुख्यमंत्री व उध्दव ठाकरे यांची बंड शमवताना दमछाक सुरू आहे. उद्या उमेदवारी अर्ज दाखल करण्याची अंतिम मुदत असून बंडखोरी रोखण्याचे सर्वोतोपरी प्रयत्न दोन्ही बाजूने सुरू आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.