रेशन दुकानात धान्य नाही; गरीबांची परवड सुरू 

मुंबई - गरजूंना तीन महिन्याचे धान्य मिळेल अशी घोषणा सरकारने केली असली तरी प्रत्यक्षात रेशन दुकानात साठाच उपलब्ध नाही. मजुरी बंद झालेल्या गरिबांनी घरात धान्य यावे यासाठी रेशन दुकानात रांग लावली तरी प्रत्यक्षात तेथे काहीही उपलब्ध नाही.केंद्र सरकारने तीन महिन्याचे राशन मिळेल अशी घोषणा केल्यानंतर राज्य सरकारने काल ता.29 रोजी धान्य उपलब्ध होईल असा जीआर काढला पण दुकानात ठणठणाट आहे.

बातम्या ऐकण्यासाठी डाऊनलोड करा ई-सकाळचे ऍप

गोदामातून दुकानापर्यंत धान्य पोहोचवणारे लोडर्स,वाहनचालक गावाकडे निघून गेल्याने टंचाई जाणवते आही की धान्यच नाही असा प्रश्‍न आता भेडसावतो आहे. 

आधार कार्ड नसेल त्यांनी फॉर्म भरून दयावेत ,विवक्षित नमुन्यात ते भरले असल्यास धान्य मिळेल असेआज सकाळपासून समाजमाध्यमांवर फिरत होते.ते सर्वत्र पसरवण्यास नगरसेवक आमदारांनीही सुरूवात केली मात्र संयाकाळी उशीरा अशा प्रकारचा कोणताही आदेश निघालेला नाही असे राज्य शासनाच्या अन्न व नागरी पुरवठाविभागाच्या अधिकाऱ्यांनी स्पष्ट केले. 

दिलासादायक बातमी : भारतात अजूनही तिसरा टप्पा नाही? सरकारचे स्पष्टीकरण

आज प्रयत्नांना हातभार लावण्यासाठी आमदार रवींद्र चव्हाण आणि पराग अळवणी यांनी मुख्यमंत्री उदधव ठाकरे यांना पत्र पाठवून रेशन दुकानात लवकरात लवकर साठे उपलब्ध करून दया असे पत्राव्दारे कळवले आहे.अळवणी यांनी पत्रात गरजूंना डाळ तांदूळ मोफत दयावेत अशी विनंती केली असून लवकरात लवकर दुकानात माल पोहाचवावा अशी विनंती केली आहे.राज्य सरकारने 30 टक्‍के दुकानात माल पोहोचला आहे, तसेच केंद्र सरकारच्या निर्देशानुसार धान्य वितरीत केले जाईल असे कळवण्यात आले आहे.