ओमिक्रॉनचा धोका, मुख्यमंत्री पंतप्रधानांशी चर्चा करुन घेणार निर्णय

मुंबई: दक्षिण आफ्रिकेत आढळलेल्या कोरोनाच्या (coronavirus) ओमिक्रॉन व्हेरियंटने (omicron) सध्या जगभरात धुमाकूळ घातला आहे. या पार्श्वभूमीवर याबाबत मुख्यमंत्री उद्धव ठाकरे (Uddhav thackeray) यांनी आज मंत्रिमंडळाची तातडीची बैठक बोलावली होती. आज बैठकीत नव्या विषाणूबाबत (News virus) चर्चा झाली. मुख्यमंत्री पंतप्रधानांशी बोलून निर्णय घेणार आहेत.

नवा विषाणू धोकादायक असल्याची कॅबिनेटमध्ये माहिती देण्यात आली. 13 देशातील प्रवासाबाब महत्वाचे निर्णय घेण्यात येईल. राज्य मंत्रिमंडळाच्या बैठकीत नव्या कोरोना व्हायरसवर चर्चा झाली. यामध्ये सर्व मंत्र्यांचं म्हणणं होतं की, मुख्यमंत्री उद्धव ठाकरे यांनी पंतप्रधान नरेंद्र मोदी यांच्याशी सदर नियमावली बाबत चर्चा करावी.

आजच्या कॅबिनेट बैठकीत शाळा सुरू करण्याबाबत चर्चा झालेली नाही. मंत्रिमंडळ बैठकीत नव्या कोरोना व्हायरस बद्दल आरोग्य मंत्री राजेश टोपे यांनी व्हीसी द्वारे मंत्रीमंडळाला माहिती दिली. दुबईने 13 देशातून येणाऱ्या विमानांबाबत आणि प्रवाशांबाबत जी नियमावली केली आहे तशाच प्रकारची नियमावली महाराष्ट्र मध्ये देखील असावी, याबाबत चर्चा झाली आहे. मंत्र्यांनी याबाबत मुख्यमंत्र्यांना आवाहन केलं आहे की, त्यांनी पंतप्रधान नरेंद्र मोदी यांच्याशी चर्चा करावी.