'मी पुन्हा येईन' या नादात माझाच फोन टॅपिंग; एकनाथ खडसे

फोन टॅपिंग प्रकरणावरून एकनाथ खडसे आक्रमक
Eknath Khadase,Devendra Fadnavis
Eknath Khadase,Devendra FadnavisEsakal

देवेंद्र फडणवीस (Devendra Fadnavis) सरकारच्या काळात विरोधी पक्षातील नेत्यांचे फोन टॅप (Phone Tapping) करण्यात आल्याचा दावा करण्यात आलाय. यावरून राष्ट्रवादीचे नेते एकनाथ खडसे (Eknath Khadase) चांगलेच आक्रमक झाले आहेत. "मी पुन्हा येईन" या नादात ६७ दिवस माझ्याच फोनच टॅपिंग करण्यात आल्याचा आरोप त्यांनी केला आहे. यावेळी त्यांनी देवेंद्र फडणवीस यांच्यावर निशाणा साधला आहे.

Summary

मी भाजपमध्ये असताना निवडणुकीच्या कालखंडात फोन टॅप केला होता.

राज्यात सध्या फोन टॅपिंगवरून जोरदार आरोप सुरू आहेत. देवेंद्र फडणवीस सरकारच्या काळात विरोधी पक्षातील नेत्यांचे फोन टॅप करण्यात आल्याचा दावा केला जात आहे.या प्रकरणात आयपीएस अधिकारी रश्मी शुक्ला यांच्यावर आधीच गुन्हा दाखल झाला आहे. शिवसेना नेते आणि खासदार संजय राऊत, काँग्रेसचे प्रदेशाध्यक्ष नाना पटोले यांचाही फोन टॅप करण्यात आला आहे. दरम्यान एकनाथ खडसे यांनीही त्यांचा फोन टॅप केल्याचा फडणवीसांवर आरोप केला आहे. मी पुन्हा येईन, मी पुन्हा येईन, या नादात माझं फोन टॅपिंग करण्यात आलं असेही ते म्हणाले.

Eknath Khadase,Devendra Fadnavis
विश्वास नांगरे-पाटील यांच्यावर कारवाई करा;प्रविण दरेकरांची मागणी

भाजपवर निशाणा साधताना खडसे म्हणाले, मी भाजपमध्ये असताना निवडणुकीच्या कालखंडात फोन टॅप केला होता. विरोधकांचा फोन टॅप करतात याची मला कल्पना होती, पण माझाच फोन टॅप केला याच मला दु:ख होतय अशी प्रतिक्रिया त्यांनी दिली. पक्षामध्ये आपले प्रतिस्पर्धी आहेत, असं ज्यांना वाटलं त्यांनी माझा फोन टॅप केल्याचा माझा संशय आहे. या प्रकरणाची चौकशी झाली पाहिजे अशी मागणी त्यांनी यावेळी केली. याबाबत फोन टॅप झाल्याचे लेखी पत्र मुख्य सचिव, गृहसचिवांना दिले असल्याचेही त्यांनी सांगितले.

Eknath Khadase,Devendra Fadnavis
सूडबुद्धीने माझ्यावर कारवाई सुरु; दरेकरांचे आघाडीवर टीकास्त्र

महाविकास आघाडी सरकार स्थापन होण्यापूर्वी नेत्यांचे फोन टॅप करण्यात आले होते. यामध्ये पोलिसांनी शिवसेना नेते आणि खासदार संजय राऊत यांचा फोन ६० दिवस टॅप केला होता. याशिवाय राष्ट्रवादी काँग्रेसचे नेते एकनाथ खडसे यांचा फोन ६७ दिवस टॅपिंगवर ठेवण्यात आला होता, अशी माहिती सूत्रांकडून मिळाली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com