सूडबुद्धीने माझ्यावर कारवाई सुरु; दरेकरांचे आघाडीवर टीकास्त्र

तेच तेच मुद्दे पुन्हा उगाळून माहिती घेण्याचा प्रयत्न केला गेला. एफआयआरशी संबंधित अगदी त्रोटक मुद्दे असायला हवे होते. मात्र व्यक्ति केंद्रित छळवाद करण्याचा सरकारने प्रयत्न केला असा आरोप भाजप नेते प्रवीण दरेकर (Pravin Darekar) यांनी केला. मुंबई बँक बोगस मजूर प्रकरणी माता रमाबाई आंबेडकर पोलीस ठाण्यात चौकशी झाल्यानंतर त्यांनी पत्रकारांशी संवाद साधला.

महाविकास आघाडीवर (MahaVikas Aghadi) निशाणा साधताना ते म्हणाले. तासनतास बसवून येथे छळवणूक केली जाते. पोलीस (Police) यंत्रणा दबावाखाली आहे. मात्र कायदा मानणारे आम्ही लोक आहोत चौकशीला सहकार्य करणारच असेही ते म्हणाले. एक तासाच्या चौकशीसाठी तीन-तीन तास बसवले जात आहे हा छळवाद आहे. माझ्यावर सूडबुद्धीनं कारवाई केली आहे.

संजय राऊत यांनी किरीट सोमय्या यांच्यावर आज आरोप केला होता. त्याला उत्तर देताना दरेकर म्हणाले, किरीट सोमय्या (Kirit Somaiya) हे पळून जाणाऱ्यातील नाहीत पळवून लावणारे आहेत असेही ते म्हणाले.

संजय राऊत यांच्यावर निशाणा साधताना ते म्हणाले, लोकशाही मानणारे भारतीय जनता पार्टीचे कार्यकर्ते आहोत. संजय राऊत यांच्यासारखा आक्रस्ताळेपणा करणार नाही. कायद्याला प्रतिसाद देणार असेही ते म्हणाले.