Pune Crime: पुणेकरांना दिलासा! गुन्हेगारीला आळा घालण्यासाठी गृह विभागाने आखली मोठी योजना

Devendra Fadnavis: पुण्यात गेल्या काही दिवसांपासून गुन्हेगारीत प्रचंड प्रमाणात वाढ झाली आहे. वेगवेगळ्या भागात गुन्हेगांरांच्या टोळ्या सक्रीय झाल्या आहेत. खून, चोरी, अपहरण, बलात्कार, कोयता गँग, अशा प्रकारे पुण्यात गुन्हेगारी फोफावत आहे.

मात्र आता यावर घटनांवर राज्य सरकार आक्रमक झालं आहे. राज्याचे गृहमंत्री देवेंद्र फडणवीस यांनी पुण्याला गुन्हेगारी पासून बाहेर काढण्यासाठी मोठी योजना आखली आहे.

त्यामुळे पुण्यात आता कायद्याचा वचक बसणार आहे. पुणे शहरावर नजर ठेवण्यासाठी आता एक लाख सिसिटीव्ही कॅमेरे लावण्यात येणार आहेत, तर पुण्यासाठी १००० पोलिसांची नवी भरती देखील करण्यात येणार आहे.

या सोबतच पिंपरी-चिंचवडसाठी वेगळे आयुक्तालय उभारण्यात येणार असल्याची माहिती भाजपा महाराष्ट्र यांच्या अधिकृत ट्विटर अकाउंट वरून देण्यात आली आहे.

दरम्यान मागील काळात मोठ्या प्रमाणात गुन्ह्यामध्ये वाढ होत आहे. मागील काळात विरोधी पक्ष नेते अजित पवार यांनी पुणे शहरातील कोयता गँग आणि वाढत्या गुन्हेगारीवर विधानसभेत लक्ष वेधून घेतले होते.

त्यानंतर पोलिसांनी तपासाचा वेग वाढवून कोयता गँगच्या मोहक्यांना शोधून त्यांची भर चौकातून धिंड काढली होती.