लाचखोरीत पुणे अव्वल... तर औरंगाबाद दुसऱ्या क्रमांकावर

सांस्कृतिक शहर आणि शिक्षणाचे माहेरघर असलेलं पुणे सर्व गोष्टीत परिपूर्ण आहे. इथे कुठल्याच गोष्टीची उणीव भासत नाही. आणि असंच काहीसं घडलंय राज्यभरात लाचखोरीत अव्वल क्रमांक मिळवल्याचे लाचलुचपत प्रतिबंधक विभागा (Anti Corruption Bureau) कडून समोर आले आहे. विशेष म्हणजे लाच घेणे आणि लाच देणे, या दोनही गोष्टीत पुणे पहिल्या क्रमांकावर आहे.

पुण्यात मागील वर्षभरात एकूण १६८ लाचखोरीचे प्रकरणे उघडकीस आले. यामध्ये जवळपास २४२ आरोपींवर गुन्हा दाखल करण्यात आलाय तर मागील वर्षी पुण्यात पोलीस विभागातील सर्वाधिक अधिकारी आणि कर्मचारी लाच घेताना सापडले. पुणे लाचखोरीत अव्वल येण्याचे कारण म्हणजे इथे लाचखोरीविरोधात आवाज उठवला जातो. इतर शहराच्या तुलनेत पुणे इथे जागरूक नागरीकांची संख्या जास्त असल्याने इथे लाचखोरीविरोधात तक्रार करण्याचे प्रमाण अधिक आहे.

लाचखोरीत पुणे अव्वल क्रमांकावर तर औरंगाबाद दुसऱ्या क्रमांकावर आहे. उल्लेखनीय म्हणजे यात महाराष्ट्राची राजधानी आणि क्राईम कॅपिटल समजली जाणारी मुंबई आठव्या क्रमांकावर आहे. कुठल्याही कामासाठी अधिकारी आणि कर्मचाऱ्यांना लाच देऊ नका कुणीही लाच मागितल्यास त्यांची एसीबीकडे लेखी तक्रार करा, असे आवाहन लाचलुचपत प्रतिबंधक विभागाचे पोलीस अधीक्षक यांना नागरीकांना केले आहे.