Rahul Shewale: राहुल शेवाळे यांची 'त्या' महिलेविरोधात हायकोर्टात याचिका दाखल

शिंदे गटाचे खासदार राहुल शेवाळे यांनी हायकोर्टात आज एक याचिका दाखल केली आहे. सोशल मीडियावर आपली बदनामी केल्याचा आरोप शेवाळे यांनी केला आहे. तसेच या महिलेशी नाव जोडून इतरांनी टाकलेल्या पोस्ट हटवण्याची मागणी देखील शेवाळे यांनी केली आहे.(Rahul Shewale)

मागिल महिन्यात दिशा सालियन प्रकरण पुन्हा उकरून काढल्यामुळं शिंदे गटाचे खासदार राहुल शेवाळे शिवसेनेच्या रडारवर आले होते.

भारतीयांनी जगाला डिजिटल पेमेंट शिकवायची आलीये वेळ...

शेवाळे यांच्या विरोधात एका महिलेनं केलेल्या लैंगिक अत्याचार व मानसिक छळाच्या तक्रारीची दखल घ्यावी व या प्रकरणाची पोलिसांकडून सखोल चौकशी व्हावी, अशी मागणी शिवसेनेनं केली होती.

त्यानंतर पत्रकार परिषद घेत शेवाळे यांनी आरोप फेटाळून लावत त्यावर स्पष्टीकरण दिलं होते. दरम्यान, आज त्या महिलेविरोधात हायकोर्टात याचिका दाखल केली आहे.

काय म्हटले आहे शेवाळे यांनी ?

गंभीर आरोप करणाऱ्या महिलेविरोधात मुंबई हायकोर्टात शेवाळे यांनी याचिका दाखल केली आहे. त्या महिलेचं सोशल मीडिया अकाऊंट बंद करण्यात यावं. तिला आपल्यासंदर्भात कोणतीही पोस्ट टाकण्यापासून मनाई करण्यात यावी.

तिला ट्विटरच नाही तर सोशल मीडिया प्लॅटफॉर्मवरुन हद्दपार करण्यात यावं अशी मागणी करण्यात आली आहे. आणि खटला निकाली लागेपर्यंत तिची सर्व सोशल मीडिया अकाऊंट्स तात्काळ बंद करण्यात यावी. असही शेवाळे म्हणाले आहेत.

खालच्या पातळीवरची टीका करुन माझी राजकीय कारकिर्द संपवण्याचा हा कट असल्याचा दावा शेवाळे यांनी केला आहे.