esakal | कोकणात पावसाचा जोर
sakal

बोलून बातमी शोधा

Rain in Konkan

मॉन्सून सक्रिय झाल्याने राज्यात पावसाला सुरवात झाली आहे. कोकणात अनेक ठिकाणी पावसाने जोर धरला आहे. 

कोकणात पावसाचा जोर

sakal_logo
By
सकाळ वृत्तसेवा

पुणे - मॉन्सून सक्रिय झाल्याने राज्यात पावसाला सुरवात झाली आहे. कोकणात अनेक ठिकाणी पावसाने जोर धरला आहे. 

मध्य महाराष्ट्र, विदर्भातही काही ठिकाणी हलक्या ते जोरदार स्वरूपाचा पाऊस पडला. मंगळवारी (ता. ३) सकाळपर्यंतच्या २४ तासांमध्ये मुंबइसह रायगड, रत्नागिरी, ठाणे, कोल्हापूर, गडचिरोली जिल्ह्यांत तुरळक ठिकाणी अतिवृष्टी झाली. रायगड जिल्ह्यातील उरण येथे सर्वाधिक १६७ मिलिमीटर पावसाची नोंद झाल्याचे हवामान विभागातर्फे सांगण्यात आले.

बंगालच्या उपसागरातील कमी दाबाचे क्षेत्र, दक्षिणेकडे सरकलेला मॉन्सूनचा आस यामुळे राज्यात पावसाला पोषक हवामान आहे. मुंबई उपनगरांसह, ठाणे, कल्याण, डोंबिवली, वसई आणि पालघरमध्ये मुसळधार पाऊस कोसळत आहे. संततधार पावसाचा फटका रेल्वे वाहतुकीला बसला असून, लोकल उशिराने धावत होत्या.

राज्यात मुसळधारेचा अंदाज   
पावसाला पोषक हवामान आहे. गुरुवारी (ता.४) कोकण, घाटमाथा, पूर्व विदर्भात मुसळधार पावसाचा अंदाज आहे. तर मध्य महाराष्ट्र, मराठवाड्यातही हलक्या ते मध्यम सरींची शक्यता आहे. मुंबईसह कोकण, मध्य महाराष्ट्रातील पुणे, कोल्हापूर, साताऱ्याच्या घाटमाथा, पूर्व विदर्भातील भंडारा, गोंदिया, गडचिरोली, नागपूर, चंद्रपूर जिल्ह्यात जोरदार पावसाची शक्यता हवामान विभागाने वर्तविली आहे.  

loading image
go to top