शरद पवार शाहू, फुले, आंबेडकरांचं नाव घेतात, शिवाजी महाराजांचं नाव घेत नाहीत, अशी टीका राज ठाकरे यांनी आपल्या भाषणातून केली होती. या विधानानंतर आरोप-प्रत्यारोप, टीकाटिपण्ण्यांचा खेळ सुरू झाला. राष्ट्रवादीने जातीपातीचं राजकारण सुरू केल्याची टीकाही राज ठाकरेंनी केली. या सगळ्याच्या पार्श्वभूमीवर संभाजीराजे छत्रपती यांनी भाष्य केलं आहे. शरद पवार आणि राष्ट्रवादीवर केलेल्या आरोपात किती तथ्य आहे, याबद्दल संभाजीराजे बोलले आहेत.
एबीपी माझाशी बोलताना संभाजीराजे म्हणाले, "पवार साहेब काय बोलले, राज ठाकरे काय बोलतात, याच्याशी माझा काही संबंध नाही. महाराष्ट्र कोणाचा आहे? महाराष्ट्र शिवाजी महाराज, शाहू महाराज, महात्मा फुले, आंबेडकरांचा आहे, महापुरुषांचा आहे. या सगळ्या महापुरुषांचा आदर्श घेऊन आपण पुढे जाणं गरजेचं आहे."
राज ठाकरेंच्या आरोपांबद्दल बोलताना संभाजीराजे म्हणाले, "आज मी त्या दोघांचा प्रवक्ता नाही, की ते काय बोलले हे काय बोलले यावर मी माझी प्रतिक्रिया देऊ. माझी बाजू मला क्लियर आहे. माझं हेच म्हणणं आहे की महाराष्ट्रात अनेक प्रश्न आहेत, बेकारीचा प्रश्न आहे, कामगारांचा, शेतकऱ्यांचा प्रश्न आहे. त्यावर बोलूया. सारखं सारखं याच विषयावर काय बोलायचं? मला त्यात पडायचं नाहीये. "
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
