भेट झालीच नाही! राज ठाकरे अन् फडणवीसांकडून स्पष्टीकरण | Sakal
sakal

बोलून बातमी शोधा

Raj Thackeray & Fadanvis

भेट झालीच नाही! राज ठाकरे अन् फडणवीसांकडून स्पष्टीकरण

Devendra Fadanvis And Raj Thackeray Meet : महाराष्ट्र नवनिर्माण सेनेचे अध्यक्ष राज ठाकरे आणि उपमुख्यमंत्री देवेंद्र फडणवीस यांची आज सागर बंगल्यात भेट झाल्याची बातमी समोर आली होती. त्यानंतर अनेक चर्चांना उधाण आले होते. मात्र, आता या भेटीबाबत दोन्ही नेत्यांकडून भेट झाल्याचं वृत्त फेटाळण्यात आले आहे. शिवसेनेतील फुट आणि मनसे भाजपमधील संभव्य युती याबाबत वारंवार होणारी चर्चा याबाबत ही भेट झाल्याची चर्चा रंगली होती. मात्र, आता दोन्ही नेत्यांनी अशा प्रकारची भेट झाल्याच्या वृत्ताचं खंडन केलं आहे.

हेही वाचा: दसरा मेळावा शिवतीर्थावरच होणार; उद्धव ठाकरेंचं सूतोवाच

राज ठाकरे फडणवीसांमध्ये तासभर चर्चा रंगली. सकाळी ८ वाजता राज ठाकरे सागर बंगल्यावर दाखल झाले होते. या भेटीदरम्यान, राज ठाकरे यांची पत्नी शर्मिला ठाकरे यादेखील उपस्थित होत्या. आगामी मुंबई महापालिकेची निवडणूक मनसे स्वतंत्र लढवणार की भाजपासाबोत युती करुन लढवणार, याबाबत सगळ्यांना उत्सुकता आहे. त्या पार्श्वभूमिवर ही भेट झाल्यानं चर्चांना उधाण आलं होतं. मात्र, आता दोन्ही नेत्यांनी या अशी कोणतीही भेट झाली नसल्याचे स्पष्टीकरण दिले आहे. त्यामुळे सकाळपासून सुरू असलेल्या चर्चांना काहीसा ब्रेक लागला आहे.

हेही वाचा: गोंधळात 'गोकुळ'ची सभा सुरु, 'ती समांतर सभा घ्यावी लागणार' : शौमिका महाडिक

मुंबई महापालिकेतील शिवसेनेचा विजयाचा अश्वमेध रोखायचा विडाच भाजपाने उचललेला आहे. अशा स्थितीत मनसेची भूमिका महत्त्वाची असणार आहे. हिंदुत्वाच्या वाटेवर असलेले राज ठाकरे या निवडणुकीसाठी भाजपासोबत जाण्याची शक्यता वर्तवण्यात येते आहे. दोनदिवसांपूर्वी, भाजप प्रदेशाध्यक्ष चंद्रशेखऱ बावनकुळे यांनी भाजपा-शिवसेनेच्या युतीत एकनाथ शिंदे हे शिवसेनेचे पार्टनर आहेत. राज ठाकरेंनी महाराष्ट्रात घौडदोड केली तर पुढे बघू. राज ठाकरेंसोबत आमचे खूप चांगले संबंध आहेत. असे वक्तव्य केलं होतं.

Web Title: Raj Thackeray Devendra Fadanvis Meet Both Of Denial Of Meet

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..