मुंबई : ‘‘चित्रपटाने जागे होणारे हिंदू काही कामाचे नाहीत. अभिनेता विकी कौशलमुळे छत्रपती संभाजी महाराज यांचे बलिदान समजले काय,’’ असा सवाल करत मनसे अध्यक्ष राज ठाकरे यांनी हल्लाबोल केला. ‘‘सध्या माथी भडकवण्याचे काम सुरु आहे. इतिहासाच्या मुळाशी गेलात तर तुमच्या अपेक्षांची भांडी फुटतील,’’ अशा शब्दांत त्यांनी याबाबत राजकारण करणाऱ्यांना फटकारले. छत्रपती शिवाजी महाराज हा एक चमत्कार आहे. हा एक विचार आहे असे राज ठाकरे म्हणाले.