संभाजीराजे छत्रपतींनी राज्यसभा निवडणुकीतून माघार घेतली असल्यानं भाजपने नवी खेळी खेळली आहे
सध्या राज्यसभेच्या निवडणुकीमुळे राज्याचं राजकीय वातावरण तापलं आहे. एक बाजूला महाविकास आघाडी आणि दुसरीकडे भाजप या दोन्ही पक्षात राजकारण रंगणार असल्याचे संकेत दिसत आहेत. संभाजीराजे छत्रपती यांनी ही निवडणूक अपक्ष लढवणार असल्याचे घोषित केल्यानंतर त्यांनी इतर पक्षांना पाठिंबा देण्याचे आवाहन केले. मात्र आता संभाजीराजे छत्रपतींनी राज्यसभा निवडणुकीतून माघार घेतली आहे. या सगळ्या राजकारणात आता भाजपने राज्यसभेच्या (Rajya Sabha Election 2022) तिसऱ्या जागेसाठी तयारी सुरू केल्याची माहिती पुढे आली आहे. त्यामुळे राजकारणाला रंग चढणार असल्याची चर्चा आहे. (Chandrakant Patil latest news)
भाजपने राज्यसभेच्या तिसऱ्या जागेसाठी तयारी सुरू असली तरी यावर अंतिम निर्णय अजूनही झालेला नसल्याची माहिती शनिवारी पक्षाकडून देण्यात आली आहे. भाजपच्या या खेळीमुळे शिवसेनेची डोकेदुखी वाढण्याची शक्यता आहे. दरम्यान, दुसरीकडे भाजप तिसऱ्या जागेसाठी कोणाची निवड करतो हे पाहणे औत्सुक्याचे ठरणार आहे. या विषयावर भाजपाच्या बड्या नेत्यांनीही महत्वाची वक्तव्य केली आहेत.
भाजप प्रदेशाध्यक्ष चंद्रकांत पाटील यासंदर्भात म्हणाले, राज्यसभा निवडणुकीसाठी तिसरा उमेदवार देण्याबाबत अद्याप पक्षाने निर्णय घेतलेला नाही. भाजप कोणतीही निवडणूक हरण्यासाठी लढत नाही. आम्हाला ज्यावेळी अंदाज येईल, त्यावेळी आम्ही विचार करू. सध्या आमच्याकडे ३१ मते आहेत. रमेश लटके यांचे निधन झाल्यामुळे कोटा ४१ वर येईल. त्या परिस्थितीतही आम्हाला १० मतेच कमी पडत आहे. घोडेबाजार न करता आमचा उमेदवार निवडून येऊ शकतो. ३१ मते आणि इतर १० मते घेऊन तिसरी जागा लढायची की नाही याचा निर्णय अद्याप आम्ही घेतलेला नाही. याबाबतचा निर्णय केंद्रीय नेतृत्व करते, असे त्यांनी स्पष्ट केलं आहे.
पुढे ते म्हणाले, जर यासाठी केंद्राने परवानगी दिली, तर आम्ही ही जागा निश्चितच जिंकून दाखवू. दरम्यान, दरम्यान, या निवडणुकीसाठी अर्ज भरण्याची अखेरची तारीख ३१ मे आहे. दोन जागांपैकी पहिल्या जागेसाठी केंद्रीय मंत्री पीयूष गोयल यांचे नाव निश्चित मानले जात असून, दुसऱ्या जागेसाठी भाजपमध्ये विनय सहस्रबुद्धे, राम शिंदे, अनिल बोंडे यांच्या नावांची चर्चा सुरू आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.