अमोल मिटकरांनी राजकारण सोडून चित्रपटात जावं; राम कुलकर्णी

विरोधी पक्षनेते देवेंद्र फडणवीस (Devendra Fadnavis) यांच्यावर टीका केल्यानंतर पवार साहेब आपल्याला मोठं करतील. अशी आशा ठेवून त्यांच्यावर टीका केली जात असल्याचा आरोप भाजपा राज्य प्रवक्ते राम कुलकर्णी (Ram Kulkarni) यांनी राष्ट्रवादीचे आमदार अमोल मिटकरी (Amol Mitkari) यांच्यावर केला. मिटकरींनी राजकारण सोडून चित्रपटात जावं असा सल्लाही त्यांनी दिला.

देवेंद्र फडणवीस यांनी १४ एप्रिल रोजी १४ ट्विट करत राष्ट्रवादीचे सर्वेसर्वा शरद पवार (Sharad Pawar) आणि राष्ट्रवादीवर हल्लाबोल केला आहे. यावरून अमोल मिटकरी यांनी फडणवीस यांच्यावर हल्लाबोल केला होता. त्याला भाजप प्रवक्ते राम कुलकर्णी यांनी प्रत्युत्तर दिले.

काय म्हणाले अमोल मिटकरी

१४ एप्रिल दिवशी १४ ट्विट करून बाबासाहेब आंबेडकरांचे वारसदार असल्याचा केविलवाणा प्रयत्न आरएसएस करत आहे. फडणवीसांनी यातून मुस्लिम द्वेश दाखवला आहे. या देशात मुस्लिम नकोत अस त्यांच मत आहे. मात्र बाबासाहेबांनी संविधानात समतेचा अधिकार सर्वांना दिला आहे.बाबासाहेबांचे संविधान नको असणारे लोक बालिश ट्विट करत असल्याचा आरोपही त्यांनी केला.भारताची राज्यघटना स्वातंत्र, समता, बंधुता आणि न्याय या चार मुल्यावर आधारित आहे. मात्र फडणवीस याच्याविरोधात बोलत आहेत असेही ते म्हणाले.