Barsu Refinery: बारसुसंदर्भात मातोश्रीवर खलबत; बडे नेते उद्धव ठाकरेंच्या भेटीला

कोकणातल्या रिफायनरीच्या सर्वेक्षणाविरोधातील आंदोलनप्रकरणी २५ महिलांना ताब्यात घेतलं आहे. त्यांनंतर हा वाद चांगलाच पेटला आहे. अशातच बारसुसंदर्भात मातोश्रीवर खलबत झाल्याची माहिती समोरी आली आहे. बडे नेते उद्धव ठाकरेंच्या भेटीला गेले आहेत. (Ratnagiri Refinery Survey Uddhav Thackeray Vinayak Raut and Sanjay Raut on Matoshree )

रिफायनरीच्या सर्वेक्षणाविरोधातील आंदोलनप्रकरणी विनायक राऊत आणि संजय राऊत मातोश्रीवर दाखल झाले आहेत.

सकाळपासून रिफायनरी सर्व्हेक्षणाचा मुद्दा राज्यात चांगलाच तापला आहे. जालियनवाला बाग हत्याकांड जसे झाले तसे बारसू हत्याकांड घडविण्याचा सरकारचा प्रयत्न असल्याचा गंभीर आरोप संजय राऊत यांनी केला आहे.

बारसू रिफायनरी प्रकल्पाच्या संदर्भात महाविकास आघाडीची अद्याप भूमिका जाहीर नसली तरी कोंकण भाग असल्याने शिवसेना ठाकरे गटाने त्यामध्ये उडी घेतली असून याबाबत उद्धव ठाकरे काय भूमिका मांडतात हे पाहणं महत्वाचे ठरणार आहे.