Pune Toxic Liquor Tragedy Highlights Staff Shortage in Excise Department
eakal
-नितीन बिनेकर
मुंबई : राज्याला दरवर्षी ३७ हजार कोटी रुपयांहून अधिक महसूल मिळवून देणाऱ्या उत्पादन शुल्क विभागाची अंमलबजावणी यंत्रणा मात्र मनुष्यबळाच्या गंभीर तुटवड्याने ग्रासली आहे. महसूल संकलनात देशात उत्तर प्रदेशनंतर दुसऱ्या क्रमांकावर असलेल्या महाराष्ट्रात विभागातील तब्बल १,६५९ पदे रिक्त आहेत. अशा परिस्थितीत पुणे आणि पिंपरी-चिंचवडमधील विषारी दारूकांडाने बेकायदा दारूविरोधातील लढाईत यंत्रणा किती सक्षम आहे, यावरच प्रश्नचिन्ह निर्माण केले आहे.
