Maharashtra BJP : निवडणुकीची तयारी सुरू झाली, महाराष्ट्र भाजपमध्ये मोठे संघटनात्मक बदल

आगामी निवडणुकांच्या तोंडावर सत्ताधारी आणि भाजपने मोठी तयारी सुरू केली आहे. निवडणुकीच्या पार्श्वभूमीवर भाजपमध्ये संघटनात्मक पातळीवर मोठे फेरबदल करण्यात आले आहेत. भाजपचे प्रदेशाध्यक्ष चंद्रशेखर बावनकुळे यांच्याकडून भाजप जिल्हाध्यक्षांची नवी टीम घोषित करण्यात आली आहे. चंद्रशेखर बावनकुळे यांनी ७० पक्षासाठी नावांची घोषणा केली आहे.

निवडणुकीच्या तोंडावर भाजपकडून जिल्हाध्यक्षपदी तरूण चेहऱ्यांना संधी देण्यात आली आहे. चंद्रशेखर बावनकुळे यांनी ट्विट करत याबाबतची माहिती दिली आहे. चंद्रशेखर बावनकुळे यांनी ट्विट करत नावांची आणि पदांची माहिती दिली आहे.

ट्विटमध्ये काय म्हंटलं आहे?

'भारतीय जनता पार्टीच्या संघटनात्मक रचनेतील महत्वपूर्ण दुवा असलेल्या जिल्हाध्यक्षांची नवी टीम जाहीर करत आहे. राज्यातील केंद्रीय नेतृत्व, राज्याचे नेतृत्व आणि प्रदेश कार्यकारिणीशी चर्चा करून ७० संघटनात्मक जिल्हाध्यक्षांची नियुक्ती करण्यात आली आहे.'

'मला खात्री आहे, माझे नवनियुक्त सहकारी पक्षासाठी आपली संपूर्ण शक्ती पणाला लावतील. या सर्वच सहकाऱ्यांच्या सोबतीने 2024 च्या महाविजयासाठी आम्ही सज्ज होत आहोत'

'भाजपा नव्या भारताच्या उभारणीसाठी कटिबध्द आहे. पक्षाच्या बांधणीत कार्यकर्त्यांचे योगदान सर्वोच्च आहे. पक्षासाठी कार्यकर्ते सर्वस्व असून त्यांच्या अविश्रांत कष्टामुळे पक्षाने आज नवी उंची गाठली आहे. नवनियुक्त सर्व जिल्हाध्यक्षांनी सर्वांना सोबत घेऊन पक्ष मजबूत करायचा आहे' असं चंद्रशेखर बावनकुळे यांनी म्हंटलं आहे.