आमदार रोहित पवार कोरोना पॉझिटिव्ह | Sakal
sakal

बोलून बातमी शोधा

Rohit-Pawar

आमदार रोहित पवार कोरोना पॉझिटिव्ह

राज्यात कोरोना महामारीचा संसर्ग झपाट्याने वाढत आहे. कोरोना (coronavirus) नियमांचे पालन करण्याचे आवाहन नेत्यांकडून करण्यात येत आहे. असे असताना मागील काही दिवसांपासून राजकीय नेतेही कोरोना पॉझिटिव्ह आढळून येत आहे. अशातच राष्ट्रवादीचे नेते (National congress party) व आमदार रोहित पवार कोरोना पॉझिटिव्ह (Rohit Pawar Corona Positive) आले आहे. त्यांनी स्वतः ट्विट करून आपल्याला कोरोनाची लागण झाल्याची माहिती दिली आहे.

महाराष्ट्रात कोरोना वाढला असताना नेते मंडळीही पॉझिटिव्ह येण्याची संख्याही वाढली आहे. राज्यातील नेतेमंडळींनाही कोरोनाचा संसर्ग झाल्याचे समोर आले आहे. गेल्या काही दिवसांत महाराष्ट्रातील काही मंत्र्यांना आणि आमदारांना कोरोनाची लागण झाली आहे. अशात कोरोना पॉझिटिव्ह आलेले रोहित पवार (Rohit Pawar Corona Positive) यांनी ‘तुमच्या सोबत त्याच्याशी लढत असताना गेली दोन वर्षे हुलकावणी देत होतो. परंतु, अखेर त्याने मला गाठलेच. माझी कोविड टेस्ट पॉझिटिव्ह आली आहे. आपला आशीर्वाद सोबत असल्याने काळजीचे काही कारण नाही. माझ्या संपर्कात आलेल्यांनी टेस्ट करून घ्यावी आणि काही लक्षणे असल्यास तातडीने उपचार घ्यावे, असे आवाहन रोहित पवार यांनी केले ट्विटद्वारे केले आहे.

राज्यातील कोरोना पुन्हा वाढत आहे. याला राज्यातील नेतेमंडळी देखील हातभार लावत आहेत का, असा सवाल आता उपस्थित होत आहे. कारण, बड्या विवाहसोहळ्यांना उपस्थिती दर्शवलेल्या अनेक नेत्यांना कोरोनाची लागण झाली आहे. हजारोंची गर्दी असलेल्या विवाहसोहळ्यांसह अनेक राजकीय कार्यक्रमांना सार्वजनिक ठिकाणी ही नेतेमंडळी हजेरी लावत होते. आता नेतेही कोरोना (coronavirus) पॉझिटिव्ह येत आहेत. यात रोहित पवार (Rohit Pawar) यांच्या नावाचाही समावेश झाला आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top