रशिया आणि युक्रेनमध्ये सुरू असलेल्या युद्धाला पाच दिवस पूर्ण झाले आहेत.
Russia-Ukraine War : रशिया आणि युक्रेनमध्ये सुरू असलेल्या युद्धाला पाच दिवस पूर्ण झाले आहेत. या पाच दिवसांमध्ये रशियन फौजांनी युक्रेनवर जोरदार हल्ला चढवलाय. रशियाच्या हल्ल्यात युक्रेनचं मोठं नुकसान झालंय. रशियन हल्ल्याला युक्रेनकडून जोरदार प्रत्युत्तर दिलं जात आहे.
या संघर्षादरम्यान, महाराष्ट्रातील दोन हजार विद्यार्थी युक्रेनमध्ये अडकले आहेत. युध्दामुळं विद्यार्थ्यांचे राहण्याचे आणि जेवणाचे हाल होत आहेत. विद्यार्थी कसेबसे युक्रेनच्या सीमेवर पोहोचून शेजारील देशांत आसरा घेऊन ते भारतात परतण्यासाठी आटापिटा करत आहेत. त्यांच्या विमान भाड्याचा खर्च महाराष्ट्र सरकारनं उचलावा, अशी मागणी ट्विटव्दारे माजी मुख्यमंत्री आमदार पृथ्वीराज चव्हाण (Prithviraj Chavan) यांनी केलीय.
राज्यातील 2 हजारहून अधिक विद्यार्थी युक्रेनमध्ये अडकले असल्याचा अंदाज आहे. त्यांच्यासाठी शेजारील देशांतून भारताकडं येणाऱ्या एकेरी विमान भाड्याचा खर्च महाराष्ट्र सरकारनं (Government of Maharashtra) उचलावा, जेणे करुन हे विद्यार्थी भारतात सुखरुप परततील, असं त्यांनी नमूद केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
