रात्री झोपून देश समजत नाही, त्यासाठी... ; सदाभाऊंचा टोला

रात्री झोपताना देशाला समजून घेण्याचा प्रयत्न करतो.सकाळी उठल्यावर एखाद्या प्रियकरासारखं मी देशावर प्रेम करतो अस कॉंग्रेसचे नेते राहुल गांधी (Rahul Gandhi) यांनी एका कार्यक्रमा दरम्यान वक्तव्य केलं या वक्तव्याचा समाचार रयत क्रांती संघटनेचे अध्यक्ष, आमदार सदाभाऊ खोत (Sadabhau Khot) यांनी घेतला आहे. रात्री झोपून देश समजत नाही, त्यासाठी आयुष्य खर्ची घालवावं लागतं असा उपहासात्मक टोला त्यांनी लगावला आहे.

राहुल गांधीच्या टीकेला उत्तर देताना सदाभाऊ खोत म्हणाले, रात्री झोपून देश समजत नाही त्यासाठी दिवसरात्र एक करुन संपूर्ण आयुष्य खर्ची घालवावं लागतं. आणि खरं देशप्रेम तेव्हाच उफाळून येतं असा टोला त्यांनी लगावला.

काय म्हणाले राहुल गांधी

असे अनेक नेते आहेत जे सकाळी उठल्याबरोबर सांगतात सत्ता कशी मिळणार. असे म्हणत रात्रीपर्यंत झोपी जातात. सकाळी उठून सत्ता कशी मिळवायची ते सांगतात. मात्र, माझा जन्म सत्तेच्या घरात झाला. परंतु मला सत्तेचा मोह अजिबात नाही. मी कुठलाही गैरव्यवहार केला नाही, त्यामुळेच आज तुमच्या पुढे भाषण करताना ताठ मानेने उभा आहे. मी सतत देशाच्या प्रगतीचा विचार करीत आलो आहे असे राहुल गांधी दिल्लीत कार्यक्रमादरम्यान भाजप सरकारवर निशाणा साधला.