भेसळयुक्त दूध विकल्याप्रकरणी जन्मठेपेसह 20 हजाराचा दंड

दुधाची (Milk) भेसळ करणाऱ्या एका व्यक्तीस न्यायालयाने (Court) वीस हजार रुपयांचा दंड आणि जन्मठेपेची शिक्षा सुनावली आहे. महाराजगंज जिल्ह्याचे अतिरिक्त सत्र न्यायाधीश यांनी हा निकाल दिला आहे. तब्बल तेवीस वर्षांपूर्वी दाखल झालेल्या या खटल्याचा निकाल काल (ता.९) लागला.अतिरिक्त सत्र न्यायाधीश रेखा सिंह यांनी आरोपी गोरक्षकाला जन्मठेपेची शिक्षा सुनावली.

दुधात भेसळ आढळून आल्यानंतर खजुरिया येथील राम साजन याच्याविरुद्ध गुन्हा दाखल करण्यात आला. गुन्हा दाखल झाल्यानंतर न्यायालयात आरोपपत्र दाखल करण्यात आले. २३ वर्षांपासून हे प्रकरण प्रलंबित होते. सुनावणी दरम्यान पुराव्यासह चार साक्षीदारांची साक्ष सरकारी वकिलामार्फत घेण्यात आली. त्यावर न्यायालयाने आरोपीला जन्मठेपेसह २० हजार रुपयांचा दंड ठोठावला आहे.

सहायक सरकारी अधिवक्ता सर्वेश्वर मणी त्रिपाठी यांनी सांगितले की, १७ मे १९९९ रोजी तत्कालीन अन्न निरीक्षक एम.एल. गुप्ता यांनी महाराजगंजच्या ऑफिसर कॉलनी गेटजवळून तीन गोठ्यातील दुधाचे नमुने तपासले होते. यावेळी हा प्रकार उघडकीस आला होता. सुनावणीदरम्यान पुराव्यासह चार साक्षीदारांची साक्ष सरकारी वकिलामार्फत घेण्यात आली.यावळी योग्य पुरावा हाती लागताच शिक्षा सुनावण्यात आली.