सकाळ इंडिया फाउंडेशन उच्च शिक्षणासाठी विद्यार्थ्यांना बिनव्याजी कर्जाऊ शिष्यवृत्ती देणार

फाउंडेशनच्या वतीने भारतीय विद्यार्थ्यांना उच्च शिक्षण घेण्यासाठी बिनव्याजी कर्जाऊ शिष्यवृत्ती म्हणून ७५ हजार रुपयांची एक याप्रमाणे सुमारे पंचावन्न शिष्यवृत्त्या देण्यात येतात.
Sakal India Foundation
Sakal India FoundationSakal

पुणे - ‘सकाळ इंडिया फाउंडेशन’च्या (Sakal India Foundation) वतीने २०२१-२२ या शैक्षणिक वर्षासाठी शिष्यवृत्ती योजना (Scholarship Scheme) जाहीर केली आहे. फाउंडेशनचे शैक्षणिक कार्यातील यंदा साठावे वर्ष आहे. (Sakal India Foundation High Education Student Loan Scholarship)

फाउंडेशनच्या वतीने भारतीय विद्यार्थ्यांना उच्च शिक्षण घेण्यासाठी बिनव्याजी कर्जाऊ शिष्यवृत्ती म्हणून ७५ हजार रुपयांची एक याप्रमाणे सुमारे पंचावन्न शिष्यवृत्त्या देण्यात येतात. भारतात पीएच.डी. करण्यासाठी किंवा परदेशी पदव्युत्तर शिक्षण घेणाऱ्या विद्यार्थ्यांना २०१९-२० या वर्षापासून प्रत्येकी ७५ हजार रुपयांचे बिनव्याजी कर्जाऊ शिष्यवृत्ती दिली जाते.

Sakal India Foundation
Corona Update: राज्यात 31,671 कोरोना बाधित रुग्ण बरे

ज्या भारतीय पदवीधारक विद्यार्थ्यांना भारताबाहेरील विद्यापीठांकडून किंवा संशोधन संस्थेकडून किमान एक वर्षाच्या अभ्यासक्रमासाठी (२०२१-२२) प्रवेश दिल्याबद्दलचे लेखी पत्र प्राप्त झाले असेल किंवा जे पदवीधर भारतातील विद्यापीठांमध्ये/ राष्ट्रीय संशोधन संस्थेमध्ये पीएच.डी.च्या अभ्यासक्रमासाठी प्रवेश दिल्याबद्दलचे २०१९ किंवा त्या पूर्वीचे विद्यापीठाचे/राष्ट्रीय संशोधन संस्थेचे लेखी पत्र प्राप्त झाले असेल असेच विद्यार्थी या शिष्यवृत्ती करता पात्र समजले जातील.

बिनव्याजी कर्जाऊ शिष्यवृत्तीची रक्कम प्राप्त झालेल्या विद्यार्थ्यांनी शिष्यवृत्तीची परतफेड दोन वर्षांत किंवा त्याआधी करणे बंधनकारक आहे. वृत्तपत्र व्यवसायाचे पदव्युत्तर किंवा पीएच.डी.चे शिक्षण घेणाऱ्या तसेच वरील पात्रता अट पुरी करणाऱ्या शिष्यवृत्तीकरिता निवड झालेल्या विद्यार्थ्यास दहा हजार रुपये इतकी रक्कम परतफेड न करण्याच्या अटीवर मंजूर केली जाईल.

Sakal India Foundation
मराठा आरक्षणासाठी नव्या राजकीय पक्षाबाबत संभाजीराजेंचं सकारात्मक उत्तर; म्हणाले...

येथे करा अर्ज

पात्र विद्यार्थी फाउंडेशनच्या www.sakalindiafoundation.org या वेबसाइटवरून ऑनलाइन अर्ज भरू शकतात वेबसाइटवर शिष्यवृत्तीचे अर्ज एक जून २०२१ ते ३० जून २०२१ या कालावधीमध्ये उपलब्ध असतील.

अधिक माहितीसाठी संपर्क

सकाळ इंडिया फाउंडेशन

प्लॉट नंबर २७, नरवीर तानाजीवाडी, पीएमपी डेपोजवळ,

साखर संकुल जवळ, शिवाजीनगर, पुणे ४११००५.

संपर्क क्रं.: (०२०) २५६०२१०० (Ext १७४), ६६२६२१७४

Email Id : sakalindiafoundation@esakal.com

Contactus@sakalindiafoundation.org

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com