एनसीबीने क्रुझ पार्टीवर केलेल्या कारवाईनंतर झोनल डायरेक्टर समीर वानखेडे यांचं नाव चर्चेत आहे. सुरूवातीला त्यांच्या निर्भीड कारवाईमुळे ते चर्चेत होते, मात्र आता चर्चेचं कारण म्हणजे त्यांच्यावर झालेले आरोप. राज्याचे अल्पसंख्यांक मंत्री नवाब मलिक यांनी समीर वानखेडे यांच्यावर सिनेतारकांसोबत मालदीवमध्ये गेले असल्याचा आरोप केला होता. त्यानंतर समीर वानखेडेंनी त्यावर स्पष्टीकरण दिलं होतं. मात्र मलिक यांनी पुन्हा ते खोटं बोलत असल्याचा आरोप केलाय.
समीर वानखेडे हे कोरोना काळात सिनेतारकांसोबत मालदीवमध्ये आपल्या कुटुंबासह होते असा दावा नवाब मलिक यांनी केला होता. त्यावर समीर वानखेडे यांनी स्पष्टीकरण देत आपण मालदीवमध्ये होतो असं सांगितलं. मात्र त्यांच्या बहिणीने मलिकांचे सर्व दावे फेटाळून लावले होते. हाच धागा पकडून मलिक यांनी पून्हा एकदा वानखेडेंवर आरोप केलेत.
"सकाळी त्यांची बहीण म्हणाली की माझे बंधू मालदीवमध्ये नव्हते. त्यानंतर आता त्यांनीच सांगितलं की ते मालदीवमध्ये होते. त्यांनी दुबईत गेल्याचं नकारलं. मात्र आपण ट्विटरवर फोटो शेअर केले आहेत." असं म्हणत त्यांनी या प्रकरणात वानखेडे यांना कात्रीत पकडण्याचा प्रयत्न केला.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.