सबस्क्राईब करा
मुंबईः पूर्वाश्रमीचे काँग्रेस नेते संजय निरुपम हे शिवसेनेमध्ये प्रवेश करणार आहेत. स्वतः त्यांनी याबाबत माहिती दिली. परवा त्यांचा शिवसेनेमध्ये प्रवेश होईल. एकनाथ शिंदे यांच्या भेटीनंतर निरुपम यांनी माध्यमांना ही माहिती दिली.
बुधवारी मुख्यमंत्री एकनाथ शिंदे यांनी संजय निरुपम यांना भेटण्यासाठी बाळासाहेब भवन येथे बोलावले होते. उभय नेत्यांमध्ये पक्ष प्रवेशासंबंधी चर्चा झाली. त्यानंतर संजय निरुपम यांनी पत्रकारांशी संवाद साधला.
संजय निरुपम म्हणाले की, बाळासाहेब भवन येथे मुख्यमंत्र्यांनी बोलावल्यानंतर त्यांना भेटायला आलो होते. पुढे काय करायचं याच्यावर आमच्यामध्ये विस्तृत चर्चा झाली आहे. परवा तीन ते चार वाजता माझा शिवसेनेत प्रवेश होईल. बाकीची माहिती पक्षाकडून समजेल.
''आमच्या भेटीमध्ये पुढे कसं काम करायचं यासंबंधी चर्चा झाली. परवा सगळ्या सहकाऱ्यांसह शिवसेनेत प्रवेश करेन.. पक्षाच्या सगळ्या उमेदवारांचा मी प्रचार करणार असून तीस वर्षांनंतर पुन्हा मी माझ्या पक्षात प्रवेश करत आहे, याचा अनंद आहे.'' असं निरुपम म्हणाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.